...ööööööööööööö

und dann simma ins Kino...
ok einen Nervenzusammenbruch später. Interessanterweise glaubt mein Blog es is der 29.12., 08:41.


Gut wir ham uns TRON angschaut, woa ned outstanding, oba in ordnung. Gschneiberlt hods a a bissi, und daheim hods nach essen geduftet. Des hod si noch ca eina halben stunde gändert, weils do es essen anzündet ham, scho wieda, ned schlimm oba gstunken hods hoid wieda. Nachm essen homma uns scho wieder Inception angschaut, weils nu imma ned jeder gseng hod, und dann san olle eltern noch da reihe obghaut, weil jo nur die kinder im omaopa-haus bliebn san.


In da frua san dann olle restlichen obgreist, und wir hom uns die Niagara-Fälle angschaut. i hob imma docht die san iwo in da Wildnis, daweil san die praktisch mitten in Buffalo im Niagara-Fluss. Auf da anderen Seite vom Fluss is Kanada und do is a da bekanntere Teil vom Niagara-Fall. I hob sogar fotos von Kanada gmocht! :)
I hob scho die ganze Zeit herumgehustet und da Sean hod dann a scho angfangt. Gschlofn hobi ned recht guad weil ma so haß woa.


Am Montag samma heimgfoan, hom uns im Auto Die Reise zum Mittelpunkt der Erde, Radio Rock Revolution und Die Mumie 2 angschaut. Des woa ein recht ein Spass und daham homma nur mehr chüt. I hob ned rehct gut gschlofn weil i Fieber griagt hob und am Dienstog woa i so hin, dass i eigentlich in ganzn Tog nur gschlofn hob.
Mittwoch und Donnerstog samma a nur herumghängt weil ma im endeffekt olle krank wordn san.

 Heute is Silvester, wir ham voi vü Klumpert einkauft beim Target, olle 27 Kassen worn besetzt, i hob mit Gabi, Oma und Baby Kilian geskypt. soeinsüsesbebibebibebi
es gibt Käsekuchen; es flaschelt draussen recht, weils +13° C hod. Nicht ein Fuzerl Schnee is mehr da.

BÄM Watschn zruck vom Global Warming :)

neue & alte sachen von 2010 die ich mag: 

♥ Obststückerl, soiche gibts bei uns a, beim Merkur. Schmacki!
♥ Brüder
♥ How I Met Your Mother
♥ Baby Kilian
♥ Reese's Puffs
♥ Haare zusammenbinden
♥ Österreich
♥ Baby Kilian
♥ Erdbeer-Käsekuchen
♥ USA
♥ Josef Hader
♥ Baby Kilian
♥ Hurts
♥ Die drei ???


Was sonst besonderes?

• Des Wort "Teddy"bär kommt vom Theodore Roosevelt, 26. President der USA. Spitzname Teddy, wer den ned kennt schaut sich Nachts im Museum an. 
• Inception is echt a guada Film
• Michele, Sean und David ham ADS (Aufmerksamkeits-Defizit-Syndrom)
• mir geht glei da akku aus
• bussi!
• ACHTUNG! jez wirds laut. Große Buchstaben heißen dass ich schrei!

OK DES WAR 2010! OBA JETZT KOMMT 2011 UND DES WIRD AUF JEDEN FALL EINS DER BESTEN JAHRE, UND WARUM???

WEIL I 2011 HEIMKOMM!!!

SCHÖNES JAHR 2011 IN ÖSTERREICH UND WO AUCH IMMER GRAD DERJENIGE IS DER DES LEST, IA SATS ALLE AWESOME!

i wü absolut kane beschwerden hören, sonst bleibi do! hm noch ein doofes von mir, SO:

möööööööööööööööö

Jo grüßi, i bin scho a bissi im rückstand, und ehrlich gsagt a bissi unmotiviert.

eiso letzter eintrag war am 17, heute is da 29. wos is passiert? wos woa los? wie woa weihnachten?

Ok, wasi nu vergessen hob, im packerl von mama und papa woa a nu a buch, "Karpfenstreit".
Des is recht lustig und verorscht praktisch Österreicher und Weihnachten und wie eben diese zwei miteinander zurechtkommen. Do gibts die drei Weihnachtskrisen, eine vor, eine zu und eine nach Weihnachten. Die Arten der Christbaumkäufer und Vanillekipferlesser. Weihnachtsstreits und zum Schluss a Anleitung für Weihnachtslieder, wie schwierigs is, obs knifflige (des wort muss i jez einfoch nehmen) textpassagen gibt und so. Sehr wiezig. i hobs 2,5 moi glesn.

Am Freitag woa ebenschule aus und da Sean woa scho do, und wir ham Ananas gessen. Des hod oba ziemlich weh tan weil Ananas recht sauer is besonders zum Rand hin. Mir hod dann sogar scho di Zunge zum bluten angfangt, do hobi dann gsogt, Du i glaub es is genug für heute. Jop so wor des domols. Am nächsten tog homma einkauft und i hob ma a halbes kilo tiefkühlobst kauft, Ananas, Erdbeeren und Mango. des dua i imma in di Mikrowelle vorher.


Am Montag woa i bei da Carly Weihnachtsessen essen. do hobi so a Schneekugel wo Silent Night drauf steht, weil des is jo a österreichisches Lied. Die hom an Christbaum ghobt.. Gigantisch! Si hom an klan LKW mieten miassn damitsn überhaupt transportieren kinan.
Jo do woan hoid die schwetsern von da Carly und Freundinnen und DAS KLAVIER. Des liebe ich weils schön is.
Jo dann hamma gessn und jeder hod jo a geschenk brocht und jeder hod ans von iwem griagt. i hob an pfefferminz-kakao griagt. nomnom gessn hamma floisch und wos hoid so dabei is, mais, kartoffeli, suppi, und so hoid. Im Keller homma Knight and Day angschaut, des woa natürlich a besonderer film weils do in salzburg, ÖSTERREICH san. Donn hätt mi die Chandler hamgfiat. Des is recht witzig, weil die Kinder haßn Carly, Chandler, Cassie, wie da bruder haßt wasi nimma, a iwos mit c, und die Mama haßt Carrie, Nachname Chapman. olle CCs. :)
genau und weils oba scho sovü gschneit hod, bini donn dort bliebn. dann hamm nu wii gspüt, und so plaudert und dann samma heiti ganga. um 1 bini dann von da nanny hamgfiat wordn.

Daheim bini vor dem Problem gstandn. am abend frühe bescherung und i hob nu ka geschenk für david und kevin. habi in david gfrogt ob ma einkaufen foan kinan, Auf gehts, Sean kommt a mit, Kalin abgholt, und zum Target. Fürn David a Lego Krokodil. Fürn Kevin hamma a Wii spiel bestellt. Alles total altersgemäß. Da David is übrigens am 16. Dezember 23 wordn. Oba da Sean sogt David mag Lego. I mog Lego jo a.

Dann heimgfoan, [kleine Gedächtnislücke] Dann hod da David geburtstagsgeschenke auspockt, danach Pizza hods gebn, du soo weihnachtlich. Dann homs uns ausgsperrt und dann hods dlockerl gläutet. Jo mei so viele geschenke. malsachen, 2 dvds, gwand, schmuck, origami, in 3 ??? soundtrack! und najo, wos ma holt so griagt, nücht wohr. Dann hamma im David sein cheesecake gessn, und jo des woas dann scho ziemlich.


Am Mittwoch hamma praktisch nix gmocht, zampackt für donnerstag, und 3 folgen muppets gschaut und mein Despicable me, mit die ganzen Bonus sachen.


Am Donnerstag samma nach Buffalo gfoan, diesmoi nur 8 Stunden autofahrn, eiso praktisch nix. Im auto homma Muppet Christmas Carol angschaut. Dann Toy Story 3, des woa traurig, weil da Andy ins College geht und es is traurig, i derf nix verraten. Dann hamma nu die bonus features angschaut. nach toy story 3 woa i a bissi melancholisch, do hobi an die 2 lieder dacht die ma di Li gschickt hod, anghört hobis ned, weil do hätti vermutlich zum weinen angfangt. :(
Weihnachten is ned so einfoch.

Donn woama do. Bei Oma und Opa Auricchio, die Eltern von da Michele. Des Haus is komisch, weil es hod 3 ebenen. wo ma einigeht und zum fernseher grade aus, dann 5 stufen nach links auffi, do is wohnzimmer, esszimmer und küche und dann auffi zu die schlafzimmer.
Najo zamgfasst es woan an haufn verwandte do. die michele hod 2 schwestern. Die jüngste hod 3 kinder 2 mädchen: emily, 20 die schaut oba vü jünger aus. Kelsey, 18 und Nick 15. Die Emily schaut interessanterweis null aus ois gheats ind familie. olle hom braune hoa und braune augen, und sie is rotblond, hod blaue auegn und schaut mehr aus ois wärs skandinavisch.
Die mittlere schwester von da michele hod die olivia, die is 13 und hod uns im endeffekt olle mit iara verkühlung angsteckt, oba dazu später.

Jo i hob im kinderzimmer auf da couch gschlofn, dort gibts kane rollos. Mö
Do is a Keyboard, und a fernseher, und a computer der iwie dauernd eingschoit woa. ajo und a oide zwutschki-gitarre die a bissi verstimmt woa. und a saite is grissn oba die homma wieda repariert und gstimmt hobis a einigermaßen.
In da Frua hobi gfrühstückt, iPod internet angschaut. und HHHHHHH es video vom papa is do. Gweint wie sau, oba a gelacht. :)

Noch und noch san leit kuma, i hob imma wieder mit wem daheim skypt, dann homma gessn, und jo, des woa 24. dezember 2010 für die Elena.
Am 25. hods geschenke gebn, a nu a boa für mi. Dann homma inception angschaut, i zum 3. moi. deswegen bini aned dabeibliebn. Oba es is scho a gscheit guada film! dann samma ins kino...


OK ANUNDFÜRSICH BIN I UM 23:59 ÖSTERREICHZEIT MIM BLOG FERTIG WORDEN HOB NU SCHNELL VERÖFFENTLICHT UND........... DER WAPPLER VON BLOGDINGS HOD MI AUSGELOGT UND SOMIT IS DER HALBE BLOG WEG. IWAS DES HÄTT I MA DENKEN KÖNNEN, IS JO SCHONN EINMAL PASSIERT, OBA

UUUUUÄÄÄÄÄÄÄÄÄÄÄÄÄÄÄÄÄÄÄÄÄHHHHHHHHHHHHHHH

Weihnachtsferien!!!

Jo mei. Letzte Woche is scho wieda so lang her. I kann mi dunkel erinnern dass ma in chor nix gmocht hom (toll elena!). jo sonst hoid vorbereiten auf die Finals. I hob moi wen gfrogt obs Last Christmas kennan, und des is total unbekannt, oda olle wurscht. Ned so wie bei uns wos ende november scho losgeht in musik, wos singa ma? LAST CHRISTMAS!! die ane höfte schreit Naaa! di andare höfte Jooooo! und dann singa ma kaum wer kennt in ganzn text, oba immerhin in refrain. :)
Bekannter san hingegen Klassiker wie We wish you a merry christmas (do gfoit ma besonders die Muppets-version) Deck the Halls, Oh Tannebaum mehr oder weniger(des wird übrigens nicht übersetzt) ou tennenbaum, ou tennenbaum, uwie grrun sin daine blättör.Dou grrunst nikt nurr im sonnenschainn nainn auk im uwinter uwenn es schnait...! Silent Night (wird offensichtlich schon übersetzt), und andere.
Es wichtigste Lied für amerikanische teenies is "Gold Digger" des kann jeder auswendig.

Jez wo i es video siag, is doch a bissi freizügi i vasteh nemlich kaum wos vom text. WURSCHT!

In Englisch homma "The Red Badge of Courage" glesn. Well, di andan, i ned. Und an füm dazua homma uns a angschaut do woa da lustigste teil der, wos in Krieg ziehn!

Man beachte den netten Herrn mit der Brille am Anfang, und die dramatisch sterbenden Soldaten kurz danach!

Klaviermäßig lerni grod Victor's Piano Solo von "Corpse Bride". Des is scho ziemlich schwer und vor allem is es Keyboard zu kurz. links fehlt ma a taste do spü i imma die rechts daneben. und es blöde is dass im film unterbrochen wird wo er grod spielt und deswegen endets damit dass er vor schreck olle tasten gleichzeitig drückt, und so enden a di Noten, es gibt zwar di extended version oba die muasi erstmol finden.

Am Samstag abend woa i bei da Lizzie und do homma stundn woatn miassn bis iare eltern hamkuma san mit hamham, wir san vor hunger scho am boden glegn und hom weihnachtsfilme gschaut. A ganz wichtiger is "Elf" mim Will Ferrel, der is schon liebi. Do is a ois baby mim Santa mit gfoan unabsichtlich und dann hamsn groß gezogen und wie er erwachsen woa homs erm gsogt dass er goa ka elf is sondan a mensch und dass sei richtiger papa in new york wohnt und leider auf der "Böse-Kinder-Liste" steht. Dann hats endlich pizza gem und wir ham cookies gmocht.
Die Lizzie hod a recht schönes altes Haus, mit unmengen an Weihnachtsdeko, und 2 Hunde Pete der Chihuahua und Dexter der Wuschelhund der hod mi recht gern ghobt, und imma an da Decke kaut und amoi hoda mei schwammerl dawischt des hobi erm oba ganz schnö wieda weggnuma. Uiuiui


Am sonntag hamma daheim haus dekoriert, Christbaum und so. und i hab zum geschichte lernen angfangt. gott sei dank des woa nemli echt gscheit vü. 9 chapters von mitte 19. jhdt bis 1930er. Aussadem hobi a Bild gmoit mit die Farben die ma da siegi moi gschenkt, und da papa gschickt hod. und Weihnachtsmusik hobi a ghorcht. Wos ma hoid so daham hom:
- Peter, Paul & Mary
- John Denver and the Muppets
- 50 Hits for Christmas


Am montag woa ka schule wegen 10 cm schnee.am anfang hods nu gheissn 2 h verspätung und dann is ganz ausgfoin.Do hobi dann in ganzn tag gnutzt zum lernen, und i hob ma zum teil "Monsters" angschaut des heat si zwar ganz nett an, mit weltallproben verstreut über mexico und dann entwickeln si riesen monster, oba es woa iwie a bissi fad. Sunshine is do vü bessa!

Wegen die Finals woa da Stundenplan de wochn recht zwurschtlt. Di unwichtign stundn hom nur 25 oda 45 minutn dauert und die finals 85 minuten.


Am dienstag woa digital design final, do bini oba ned fertig wordn und woa a bissi traurig, oba wir hams heit fertig machn deafn. Die Mrs. Jared hod kündigt, die Photography und DD lehrerin, die imma di nervigen geräusche gmocht hod. deswegen homma momentan a vertretung.


Am mittwoch woa study hall und geschichte. Des haßt i hob 85 minuten study hall ghobt zum vorbereiten für geschichte, des woa a praktisch. Do is ma relativ guad ganga, 72% des is a C.


Am Donnerstag woa 2 h delay des haßt i bin um 8 aufgstandn hob mi bis hoib 10 beschäftigt und dann is da bus kuma. Englisch final (hobi 78% = C+) - Lunch - Photography Final. Des woa blöd weil mei film total komisch wordn is. gonz milchig und fost ned durchsichtig. Es thema woa Holiday Color, bunte sachn mit schwarz-weiß film fotografiert. I hob es vergrößerer Licht voi aufdraht und 18x belichtet. (normal duat ma so um die 5x), des hod donn einigermaßen funktioniert. Es woa a bissi grau do müsst ma an filter nehmen oba des mochts dann nu dunkler und mir is a di zeit ausgangen. I hob jo a neamd frogn kina weil di vertretung si natürlich mit sowos ned auskennt.
Aussadem woa da Sean scho do und im David sei geburtstog. 23 is ned oid! i hob eana di klassn sachn zagt die mama und papa gschickt hom. a vogelpfeife (die hod ganz besonderen anklang gfundn), a jojo, tutti frutti, an tee adventkalender, nimm 2, 100 tic tacs, a wärmepad, 2barbapapas,... Die mozartkugeln von de wos im beiliegenden brief steht woan übrigens ned dirn, nur die zotter schoki. Mim Teeadventkalender bini a bissi im rückstand.


Heute woan nu electronic music und choir final de woan ned schwer. Wir schaun uns grod sanctuary an, heit gibts wieda moi steaks, moi schaun wos heit nu so is, wir schaun uns nightmare before christmas an vielleicht.

Bonus:

- Mir fehlt die Cola Werbung mim Cola Truck und im Lied "Wonderful dream" von da Melanie Thornton
- John Denver and the Muppets - We Wish You A Merry Christmas

Kermit: We all get some figgy pudding...
Miss Piggy: PIGGY pudding?
Kermit: No, figgy pudding it's made of figs.
Miss Piggy: Oh sorry
Kermit: ...and bacon..
Miss Piggy: WHAT?!

- von da brucker-oma hobi a a packerl mit keksi griagt und und ana kette und armband und so. Dankeschön!! :D

Wos ma schon auch fehlt san die einfochn sachn, wie cola werbung, beim hofer einkaufn. Wer wü scho zum Target wos absolut ALLES gibt wemma stattdessen zum Hofer kann. Ganz ehrlich!

Und ich komm nicht drumhin (schreibt ma des so) dass ma schnee und weihnachten heuer irgendwie a bissi wurscht is. I hob an buntblinkenden Weihnachtsbaum, an leuchtenden schneemann, keksi von da oma, weinachtstees, a weihnachtliche flauschidekce, weihnachtssockern, schnee, i dröhn mi jedn tod mit weihnachtsmusik zu und trotzdem..
I bin daher zu dem Schluss kommen dass Weihnachten zu 90% deswegen schön is weil ma sei Familie und seine Freunde imma do hod mit di ma des teiln kann, und nur 10% wegen geschenke.
Wissts warum i mi so sehr aufn 24. freu? ned weil do weihnachten is, oder weil ma noch Buffalo foan oda weils dort fost 1 meter schnee hod, sondern weil i do mit olle daheim skypen werd, mim papa bei da oma und do miassn donn olle andan a sein! Sonst sogi da Oma dass alle enterben soll!
Wenn di dort ka internet hom geh i aussi grob mi in schnee ein und bleib dort bis 27. liegen.

endlich ich fertig! YAY

ELMAN

Aufmerksamkeit! Aufmerksamkeit!

Geschätze Frönde!

Do die Eleno diesä Wochä Finals hot und dofüa tüchtig lernan muss, wird dea nächste Blog auf Freitog verschobän. Ich bitt euch gonz lieb um eua Voständnis.
Donkä

Nücht weinen, gö! :)


(fois des ned so ganz aussakumt, des soid wie a bayrischer dialekt wirken)

How I spent my week

hui. Do woa wos los. Am Dienstag homma chorprobe ghobt. 5. & 6. stunde, und dann nu am nochmittag. des woa cool weil je mehr leit singen desdo cooler klingts. Des woa a wahnsinn, do homma gemeinsam gübt, die zionsville singers und a großteil von di andan chöre und do homma dann die lieder probt. Des is soo cool, wenn do um die 50 mädls a vierstimmiges weihnachtslied singen, und dann cool yule, a 4-stimmig. Es finale woa Polar Express, do is eigentlich ka text sondern nur aaah, ooooh (uuuh), bong, falala. is sehr schön! :) Oba es klingt wirklich supa, nu dazu in dem klan raum woas klass, vollgstopft mit leit, die olle volle kanne singen...

und ausserdem es wichtigste: I bin mit die mädls vom choir mit di i in da frua imma herum sitz, "obghängt". und so homma recht a gaude ghobt und i hob fetsgstellt dass di tori und die katie, die ma anfangs mehr unsympatisch woan , eigentlich recht liebi san. Da grund woa wahrscheinlich dass is imma nua in da frua vor da erstn stund siag und so, do is ma jo ned grod glänzend aufglegt. :) Oba die 5 mogi recht gern! Claire, Joy, Lizzie, Tori, Katie
Von da schui hod mi di kalin obghoit wiel sonst neamd do war, und daham hobi dann meine fotos gmocht, oba mir dümgt grod dass des womöglich scho im letzn blog drinsteht wiel der verspätet woa, so wie der jez grod a, Schlimmi elena! :D


Am mittwoch woa von hoib 4 bis hoib 9 probe, mit 2x ganzer konzert durchlauf. und bis auf die tatsache dass leit einfoch nie di pappn hoidn kinan bis dann wirklich drauf ankommt und selbst dann ned olle, woas eih recht guad.
während der zeit, wo wir mit unsare 3 liadln ned dran woan (eiso meistens), homma im old auditorium bleibn miassn, do is a leinwand ghängt wo ma gsenghod wos grod auf da bühne obgeht, nur dass ma nix gheat hod weils natürlich in so am old auditorium ziemlich laut wird wenn fost 500 leit drauf woatn dass aufd bühne und wieder zruck kinan. ;)
Auf jedn foi hobi di zeit wieder mit die 5 verbrocht und jez hobi endlich freunde mit de i wos unternehmen kann, und mehr ois nur redn. Des wochnend bini bei da Lizzie und do damma film schaun und kekse backen und am samstag oda sonntag eislaufen. do froi i mi sehr!
Es hom zwar am anfang olle recht graunzt weil ma meistns besseres zum doa hod ois 5 stund extra in da schui herumsitzn. oba i bin froh drum und es woa a ned fad für mi. :)
In da 7. Stund hods übrigens zum schneiberln angfangt.


Am Donnerstag hobi beim heimfoan, in am haus anchristbam gseng der scho voi beleuchtet und total penetrant im fenster gstandn is. Die Claire hod gsogt dass nie an echtn bam hom sondern imma an foischn, des findi schon schlimm. Von echte kerzn braucht ma goa ned erst anfangen, do san di amis vü zu feig dafia. ;) nur lichterketten hom de. Pff...
Am abend woa di erste aufführung, I bin gottseidank ned recht nervös bei sowos, weil i jo ned allein bin, aussa dass i nach cool yule olle aussileitn miassn hob. oba des hod scho hinghaut.
Wenn i allein singen müsst wär des scho andas, oder beim debüball woa i nervös, und beim klavier vorspieln. i mog des ned so gern wemma do wer zuhört oda schaut. nur wenn i wem wos unbedingt vorspün wü. Oba mim singen is ganz aus, des dua i genr allein oba niemois wem andan vorsingen! So is des eben. ;)
Es woa a schöne aufführung (schätz i moi) und ois hod hinghaut. zum finale polar express homs ausschnitte vom film zagt. Des woa a sehr cool und ausserdem is des orchester einfoch so guad, i man es klingt ned wie auf da cd, oba auf jedn voi san die olle voi guad! wir singer hom hi und do a a bissi zspät eingsetzt, oba des is jo wurscht.


Am freitag hobi in englisch darauf hingwesn dass da kalender imma nu auf november is. es is a chuck norris kalender und jedn monat steht a neicha chuck norris witz und i woit wissn wos da letzte is, und da mr. kartholl hod man gschenkt weil i erm darauf hingwiesen hob. Hobi mi schon gefreut. Wos da spruch woa wasi nimma und i müsst jez aufstehn zum holen und dann stromts mi wieder wiel die couch so elektrisch is und blabla. eh scho wissn. eiso loss is bleibn. ;)
Am abend woa es 2. concert. Do woa dann a die michele mit da kalin da und die michele hod ma a rose gscheknt und di kalin hod videos gmocht mit meina kamera. daheim hods pizza gebn und olle woan glücklich.
Später hobi nu angfangt "Ich, einfach unverbesserlich" anschaun. des woa recht lustig da Gru mit da stimme vom oliver rohrbeck mit russischem akzent (spricht a in Ben stiller, und VOR ALLEM: in Justus Jonas von den drei ???) und sein gegner vektor mit da stimme vom Jan Delay. Des woa witzig. :D


Am samstag hods über nacht gschneit des woa sehr hübsch. 4 inches ungefähr genau. (=10cm)
I mog schnee weil er alles so hell mocht und sauber. Am Nachmittag samma In Town gfoan udn do is soo hübsch. Wir woan in am antiquitätengschöft, do gibts oide bücher, und teddys und fotos, und so alte sammelbilder, die kenn i nu von die kinder aus bullerbü, (die hat die Lisa mit da Britta und andare mächen austauscht und so, falls die mama waß von was i red) wir woan nu in andare gschäfterl und i hob es ultimative geschenk gfundn... Es schaut dort aus wie Stars Hollow, typisch amerikanisch.


Sonntag woas a wieder schweinskalt oba gschneit hods nimma so viel, mehr gstaubt. zwischendurch hod moi a fremde katze and scheiben klopft oba die hod natürlich ned eina deafn! I hob ma Inception angschuat und an Christbaum homma kauft, ma es woa so eisig. hauptsöchlich wengam wind, weil es internet sogt a imma, es hod -13° oab gefühlt wie -22°. do wirds am schnö moi a bissi frisch zu mute, gö. :) Wir ham übrigens an richtigen Bam wie sichs ghört, nur glaubi kaum, dass is dazu bring dass richtige kerzen draufschrauben.
Hm, kamma nix machn. oba wia san weihnachtn sowiso in Buffalo, dort homs übrigens 32 inches schnee, des san 80 cm. Des woa so am freitag mittlerweile homs wahrscheinlich mehr. und bis weihnachten erst, puuhh... :DD
Am Abend hobi ned schlofn können, i hom mi herumgwälzt und denkt, und dann isma immer wieder wos neichs eingfoin. So is des dahin ganga und iwann um 11 dann hobi ma gsogt. Elena, du bist überhaupt ned müde, woran liegt des? solltest vielleicht ka Cola mehr trinken am abend? Host a rätselhafte schlafkrankheit? Und WAS haben die Illuminaten damit zu tun???

I hob ma dann selber Hader privat erzählt, von der stelle wo da hader mim Reinhold messner aus in da australischen wüste ankumt bis zu der stelle wo er auf da insel aufn Urlaubs-Entertainer Klaus-Jürgen (der womöglich mim Karl-Heinz unter ana decke steckt der die ganzn Lemminge aufm gwissn hod) trifft! Des san immerhin 8 einhalb minuten kabarett auswendig. eiso i hob mi köstlich amüsiert. müde woa i leida immme rnu ned, i hob dann einfoch gwoat und iwonn woa i weg. der letzte blick auf die uhr sagte mir 12:03 die geht oba scho 15 minuten vor eiso woas 11:48. Toll, gö!


Heute woa wieda schule, in chor homma substitue ghobt. die hod gsigt si hod an exppliziten plan wos wir in der stund mochn. Jo, mhm, sie hod di noten von candlelight carol und cool yule eingsammelt udn da rest woa herumsitzn und plaudern. EXPLIZIT! :)
Daham hobi ma die montägliche Folge "The Walking Dead" angschaut und a Simpsons Weihnachtsfolge, des woa recht toll weils do olle an traum ghobt hom, und in da lisa iam traum woa di marge im 2. Weltkrieg, und hod à la Inglorious Basterds es Kino mit di Nazis anzündt und zum Schluss homs olle Oh Tannenbaunm gsungen, auf Deutsch und i hob a Blitz-Übersetzung gmocht. Do hobi mi gfreut dass im fernsehn wos deustches is.
Nudeln hods gebn und wie i ausm Bad kum undin mei zimmer gehn wü, denki ma wos liegtn do vor da Tür? Es woan meine Schuhe mit Nüsse und Orange und Apfel drin, und so gummizeug. Do hobi mi sehr gefreut. Es gibt zwar so wos wien Nikolasu oba der haßt Saint Nick und do passiert ned wirklich wos. Adventkranz und Krampus gibts a ned, oag oda?



BoNuS(s):
- I was an ganz wiezigen Witz auf englisch. What du you get if you have 50 female pigs(sows) and 50 male deer(bucks)? A hundred sows and bucks. I hobn ned checkt und er wirkt jez a ned witzig weil er geschrieben is, oba essoll si eben so anhörn wie A hundred thousand Bucks.
- Noch ein Witz auf deutsch: I bin a viertl stund gsessn und hob vasuacht mitzukommen:

Sehr geehrter Herr Pfarrer!

Wie sie wissen, habe ich eine Witwe geheiratet mit einer zwanzigjährigen Tochter. Diese hat dann meinen Vater geheiratet.
Mein Vater wurde also mein Schwiegersohn, meine Stieftochter meine Mutter.

Als meine Frau den Jungen bekam, war das der Schwager meines Vaters und gleichzeitig mein Onkel (als Bruder meiner Stieftochter).

Nun hat meine Stiefmutter, die ja zugleich meine Stieftochter ist, vorgestern ebenfalls einen Jungen bekommen, und der ist nun sowohl mein Bruder als auch mein Enkel!

Ich selbst aber bin der Mann meiner Frau und ihr Enkel (als Sohn ihres Schwiegersohnes). Meine Frau ist meine Großmutter (als Mutter meiner Stiefmutter).

Und da der Mann meiner Großmutter mein Großvater ist, bin ich nun mein eigener Großvater.

Bitte, wann kann ich einmal bei ihnen vorbeikommen?

- Dr. Brausefrosch der Allgemeinmediziner & Dr. Walterfrosch der Röntgenologe :D [Janosch]
- I bin jez scho fost 4 monate do. des is fast die hälfte. i glaub i hob nu nie erlebt dass 1 jahr so schnell vergehen kann. Oba die zeit bis weihnachten vergeht immer schneller ois es frühjahr und so.
- I horch jez immer Hui Buh - Das Schlossgespenst. Hörspiele mog i einfach sehr. I bin hoid noch a Kind. (Da Erzähler is ausserdem Da Andreas Fröhlich der in Bob Andrews von die drei ??? spricht)
- I schreib in Blog ned nur für andere sondern a für mich, deswegen bau i a sachen ein die vielleicht ausser mir neamd interessiern. oba später werd i deslesn und des voi supa findn! :)


I glaub i bins, Hui jez geh i dann schlafn.

Pfirt euch,

Pagelen

Foto-Blog

Des is ein reiner Foto Post: damit mich alle recht beneiden. :)

New York 2.0

ok, weiter im text mit a bissi mehr motivation#! (und ana Raute!?)


donnerstag is sonst nimma sovü passiert aussa football.


Am Freitag samma um 8 sowos aufgstandn und zum bahnhof und mit da tram nach NYC! :DDD
Amgekommen in da Grand Central station, woa schomoi WOFFFF... riesengroß, mit weihnachtsdeko und an da decke sternbilder, sehr schön. und warm.
Dann aussi, hochhäuser wo ma hinschaut den ersten eindruck von so ana großstadt kann ma ned wirklich beschreiben. wir san dann jedenfalls nach links abbogen und zielstrebig zum rockefeller marschiert. unterwegs hob i natürlcih gschaut und gschaut, weils einfoch so toll is. die Taxis, die brezel und würstel und wasiwosnu-verkäufer, die werbung, die menschen... :)
Vrom rockefeller center woa da riesen christbaum, a eislaufplatz, weihnachtsdeko. Und es san überall so Leute mit rot#grünem (die raute hat wieder zugeschlagen) gwand gwesen die mit glocken gebi´mmelt ham und getanzt und so damit ma in weihnachtsstimmung kommt, des muss a cooler job sei. :)
Dann samma rauf ins Rockefeller center ham oben den tollen ausblivk rundherum genosse, obwois a bissi neblig war und ma dementsprechend ned so tolle sicht ghabt hat. und die Freiheitsstatue hod wiinzig ausgschaut.

Nachm Center samma durchn central park zum natural history museum spaziert. Im Park war so a Statue von am Typ auf am Pferd, und des is so: Wenn es Pferd 1 fuß in da luft hod is der typ an kriegsverletzungen gstorbn, wenns 2 füß in da luft hod, isa im krieg gstorbn, und wenns alle 4 in da luft hod,.. ja dann hats die die gesetze der schwerkraft überwunden. :D

im museum is furchtbar zugangen. wir ham uns di dinos angschaut, dann spacedings, (es wollt i) do woa so a big bang theatre. des woa cool. do woa in da mitte so a riesen delle im boden des woa da bildschirm und um den herum san olle gstandn und es woa ganz finster. dann hamma nu den RIESEN wal angschaut der mitten im raum hängt. Toll woa des. ganz toll!

nachm museum samma nu zum time square gangen, do woa wos los sog i euch. Erstns moi die ganze werbung und lichter und bildshcirme und wos generell dort hinghört, und die ganzn leit und wöche die uns cds andrehn woin damit si si a bissi bekannt machn. cool! :) aussadem woa Black friday, wos ursprünglich mim börsen crash auf da wallstreet 1929 zum doa hod, oba heutzutage is des a colle kanne shopping tag. Die leute san aus di gschäfte nur so aussigequollen. i hob ma bei am straßenstandl nu a NEW YORK CITY pullover kauft und woa somit glücklich, dann is ab nachhause gangen. müde woama natürlich, 3blasen auf di füße. ober es woa sehr cool.


Am Samstag simma a wieda bald aufgstandn, ham bagel gessn, (die san wie semmerlin donutform) und dann samma wieda nach NY gfoan und mit ana fähre nach staten island. wiema ausm auto gstiegen san hods uns fost verwachelt, voi da wind, und da kevin hod parktickets glöst und sein hut aufghobt und dann is a zetterl weggflogn und da sean is nochgrennt und dann is im kevin da hut weggflogn und da david is im hut nochgrennt und i bin am bodn glegn und hob glocht. :D ROFL *lolololololololololololol*

Von da fähre aus hod ma die freiheitsstatue recht gut gseng. a hoibe stund foan, aussteigen a hoibe stund woatn, wieder auf di selbe fähre und zruck foan. Dann samma 3 moi umdn selben häuserblock gfoan. Um den samma vorher a scho 3 moi heurmgfoan zua orientierung.. :) und dann samma auf zum nächsten family event auf Long island.
unterwegs samma zu am strand gfoan, damit i es meer sehn kann, und mir hods natürlich sehrgfalln, weils so schön woa und i woa nu nie an am strand wenns kalt is! dann hamma uns olle in sand aus die schuhe gleert und san weitergfoan.
es familien football-spiel hamma leider verpasst, aber es hod wos zum essn gebn, an automatischn mistkübel an lächerlich riesigen fernseher, und ganz vü verwandte. natürlich ham einige wieder dauernd football gschaut, a familienfoto hods gebn, oba nur von da kinder generation, eiso cousins/inen und deren kinder.
später samma nu zu ana andan tante gfoan, dort hobi sudoku gmocht tee trunken, und plaudert, und dann samma heim.


Am Sonntag samma um 6:30 heimgfoan. frühstück beim dunkin donuts, am anfang hamma gschlafn. i ned, i hob 3 fragezeichen ghört. i glaub nur da sean hod gschlofn der hod nämlich die rückbank ghobt. späta hod da david die rückbank griagt und i hob ma mim sean monster AG fertig angschaut, dann Stardust, Teenage Mutant Ninja Turtles und zum Schluss Kung Fu Hustle. Des woa da doofste Film den i je gseng hob! :) zwischendurch woama bei olive garden und hom nudeli gessn und salat. um 6:30 AM samma weggfoan und um 8:30 PM samma daheimm ankommen. 14 stund woama unerwegs, oba mit die pausen und so woas weniger.
Daheim homma nu gfernset und fertig.


Am montag bini um 5:50 aufgwocht und hob docht es is 6:50 und i muas in 10 minuten aufstehn und hob mi gwundert wieso da sean nu do is weil die jo um 6 foan woitn. dann hobi checkt dass i nu 1 stund hob. i bin dann nu um 6:20, 6:33, 6:49 und 7:00 aufgwocht weil i scho so bereit woa :). Schule woa nix glaubi aussa dass i mei foto projekt wieder moi ned mitghobt hob. :D


Heute hobi 5., 6. stund holiday concert probe ghobt, und nu von 3:30-4:30. 500 leute auf ana bühne is definitiv zvü, deswegen steh i im prinzip a ned AUF da bühne sondern iwo auf da seitn. YAY :( wenigstens nur bei dem lied. Allerdings mussi bei am andern lied olle aussileitn, und des gfoit ma goa ned. möö. Von da schule hod mi di Kalin obghoit weil sonst keina zeit hod, und die hod ma dann die inspiration zu meim fotoprojekt gebn, es muss a serie sein und sie hod gsogt i könnt jo tassen fotografiern. hobi a gmocht es heißt: "Mugs with Nuts" :)
endlich bini fertig, jez mussi nu die letzten weihnachtsgeschenke beschaffen, morgen hobi von 3:30 PM bis ca 9 PM ur klass du!


Ok Bonus:
- Kein mensch schreibt mit füllfern und tintenkiller kennans ned amoi
- es gibt an vogel der heißt "schlankschnabelbülbül"

mehr extras hobi grod ned, eiso

BUBA

New York 1.0

möö, des wird a langer blog. normalerweis schreibi ca 3 stund, oba es woa jo so vü los.


Montag: für montag hobi kane notizen. Es woa sowieso nur gespanntes zeit totschlagen. Daheim dann packen und so, an haufen schoki ois geschenk für die family, 2 riesenschachteln popcorn für uns so zua gaudi hoid. da sean is kuma und mir foit grod ein dass des im letzn blog scho steht.

Am Dienstag woa a nix besonderes los, letzter schultag, natürlich supa-frohi. :) dann heim. Do woa logischerweise scho es mietauto, a weißer chevrolet-van. (2 hintere reihen. in da mitte 2 sitze, zwischen die hamma a kühltruhe gstellt mit trinken und so; und die 3. reihe mit viel platz, die hob i ghobt. :D)
Dann hamma eigentlich nur mehr auf David und Kevin gwoat, nu moi ois checkt und dann samma gfoan um 7. UIUIUIUI beim mci homma gjausnet und dann samma gfoan und gfoan und gfoan.
Am sean sein laptop hamma dvds gschaut. Sunshine (des woa scho a ziemliche psychische belastung, da titel klingt nämlich viel zu schön und lieb!) wos noch.. ajo Up (zu deutsch "Oben", zur ablenkung und beruhigung) dann hobi gschlafen. um hoib 2 samma in am holiday inn ankuma dort hamma übernachtet. Im auto hobi besser gschlafn und um hoib 7 simma wieda weiter gfoan. Do is dann da David hinten glegn und hod gemützt und i hob ma mim Sean Serenity angschaut, des woa ned soo outstanding. Monster AG hamma a nu angfangt und dann woama do.

[INFO: mir is es internet abgstürzt und es hod nur die hälfte vom blog gspeichert deswegen wird dei zweite womöglich hälfte a bissi grantig ausfalln!]

Es haus vom Kevin sein Bruder John und sei frau di Anne. Di ham 4 kinder die san alle schon erwachsen. Wir warn alle recht müde, und ham gfernset, i woa dann a scho a bissi aufdraht und woit eana deutsch lernen, da David hod scho wos können. "Der Herr der Ringe"weilma des englisch so sogt: dörhörrdör ringe, und des is lustig! :D Späta hamma noch nudeln bestellt.

Gut gschlafn hobi a. am donnerstag woa thanksgiving, nach der reihe san di leut daher kuma. Tisch wurde um 10 plätze erweitert, dazua mussi noch sagn: mei familie=ca 15 leute, vs Mcandrews= an haufen leute. es woan um 21 leute do, und es woan nua 4von 10 geschwister vom kevin mit eanare leit. Puuh

Am vormittag hobi thanksgiving parade gschaut und DANNN dann hom die football spiele angschaut, do woars dann ganz aus, olle homs angschaut und i hob mea durchn fernseher durchgschaut, weili jo ned so ganz check wie des funzt und jo faaadi!

zum essn hods lauter gutesachn gebn, pürree turkey ham gemüse mit käse. nomnom

jo so woa des und weils mi jez wirklich nimma gfreit dua i zweiteilen

PIS MORKEN! :D

Thanksgiving

Fein, mittlerweile moch i ma für jeden tag notizen, damit i jo nix wichtiges auslassen tu. :)
Am Montag hamma an mantel kauft, der is dunkelblau.
Dienstag: In Chor hamma Vertretung ghabt, des is do a bissi anders, weil do hod ma dann ned an andan Lehrer der Stoff macht, sondern do kommen iwelche eltern oda so ind schui und passen auf dass ma uns ned wehtun und ned streiten und brav san und so. Die hom dann so a bickerl wo da name draufsteht. Des griang olle di ned schüler oda lehrer san.
Do homma uns die Weihnachtsshow vom Purdue College angschaut, di woa scho a bissi älter, mir hods ned so gfoin.
In EM hobi "Das Lied von der IKEA-Werbung" (Home) aufn Computer ins Programm einigschriebn, und a lied von Amelie hobi a glernt. Lunch hobi Spinatsalatgessn, is eigentlich wie normaler salat. Dazu wie imma erdbeermilch, nomnom.
Englisch is so fad, i mog Transzendentalismus ned wirklich, zumindest ned in da schui so. Die bücher san so fad. Am abend woa i wieda klettern mim David, do woa so a typ der is do aufikraxelt. und donn so kopfüber ghängt. wahnsinn. I hob dann gsagt: des mochma nächstes moi, gö. :)

Am Mittwoch hobi festgstellt dass di teletubbies a in di USA gibt. toll oda?
In geschichte die Current events san imma so toll, besonders gschichten über dumme menschen: Leit die wen/was ausrauben und ia geldtascherl samt ausweis verlieren, oder a Fluchtauto unterm richtigen namen mieten! Oder einer hod a crazy ex-stepmum, die erm und sein bruder scho moi kidnappen woit. soiche gschichtn gibts häufiger. A medl, di Mari, is scho moi fost kidnappt wordn weil ia mama berühmt is oda so, und ia oma is ermordet wordn. So is Amerika! :D
In digital design bini mit meim comic fertig deswegen hobi di stund dazua benutzt dass i mi a bissi mea üba harry potter informier. ois vorbereitung fürn freitog sozusagen.

Am Donnerstag woas recht frostig, in da schule hods bei olle computer a blackout gebn di hom voi lang braucht und di laufwerke hods ned anzeigt, hobi hoid nur klavier gspüt.
Daheim hobi dann dr. house gschaut, a folge mit Pocken, des gfoit da elen natürlich wieder ganz besonders wenns um epidemien und quarantäne geht. oba bevor i mas angschaut hob hobi gsogt, Elena, des geht so ned du musst endlich die Fotos mochn, bevors dünkel wird. Eiso hobi auf Pause gschoit, mantel anzogn und bin aussi. do steh i dann oba vor dem Problem Objektmangel. I was ned wosi nu fotografiern soi. Es woa wirklich eisig, oba wenigstens hobi kane brackets und data sheet mehr mochn miassn, des is scho a erleichterung. Jo donn hobi i hoid im goatn a boa fade fotos gmocht und dann hobi ma docht, na so geht des ned. Bin eini ins zimmer hob mei schwammerl und mein kürbis gnuma und in rest von die fotos zu ana Schwammerl & Kürbsi - Serie gmocht. Des schaut jez a bissi aus wie a "Wo ist Walter?"-Buch. :D oba einfocha. (i bin goa ned sicher ob des bei uns wo ist walter heißt, do heißts nemlich Where is Waldo?. i kenns jo ned persönlich oba di Jannö hod einige davon und si hods Walterbücher gnennt, najo wer weiß. )
Tjo da Dr. House is nicht gestorben und hod natürlich wieder DIE Lösung gfundn, und olle worn wieder glücklich. Fast.
Am Abend habi mit da Michele "Anything Goes": es schul musical angschaut, des woa ganz toll, es woa lustig, sehr gut gspielt und gsungen hams a sehr gut. Am besten hod die "Reno" gsunga, die woa voi cool. A wies gredt hom und so. SO stell i ma in Broadway vor! :)

Freitag hobi endlich mein film entwickelt, mittlerweile bini jo scho a Profi.
Geschichte Test supiii!
In digital design hobi a fesche weihnachtskarte designt, und nach da schule bini mit da carly und iara freundin da Chrissi mitgfoan.
do woama in am buch gschäft, und wos essen und dann samma zum kino und hjom 1,75 stund aufn Harry Potter 7 gwoat, dafür woama di ersten in da reihe. Es san a nu andare freunde von da carly, iare 2 schwestern und iare elltern kommen und dann hamma doofe spiele gspüt und uns hoid di zeit vertrieben.
Um 7:00 woas dann so weit, Wuuuu. endlich homs uns eini lossn und um 7:30 hod da film angfangt. I find er woa recht gut, lustig, I hobs buch imm gegensatz zu alle andern jo ned glesn, oba mir hoda gfoin. Nur in britischen akzent vasteh i ned so gut, do hom dann hi und do olle glocht, und i hob mi ned auskennt. I glaub die Amis san di größten HP fans, weil iwer hod gsogt dass die briten HP hossn und bei uns is jez a ned so toll.
Nachm film bini bei da carly bliebn und di christina auch. Woa a riesenfreude wie i erna klavier wieda gseng hob. *FROHI* Die Carly hod 4 geschwister und a nanny, die hoids imma von da schule ob, und di homs scho seit 12 joa. und ia zimmer is rosa und die betten san riesig und es is einfoch wie in am Teeniefilm!!

Am Samstag hobi a omlett griagt zum frühstück und um 11 sowos bini obghoid wordn. Daheim hobi ma Peter Pan fertig angschaut und um 4 oda so samma zum international festival gfoan, i woa recht müde und an schnupfen hobi a griagt, ob dort wors recht cool, des woa in so ana riesen halle und die länder hom eanare standln ghobt und flaggen woan aufghängt. I hob natürlich noch Österreich gsuacht, es woa di aller hinterste flagge.. Oba es schlimmste woa dass 2 Germany und 2 schweiz standln gebn hod und ka österreich. do woa i scho enttäuscht, weil österreich is genau so wichtig wei G und S wenn ned wichtiger!
Najo, nach dem i über des hinweggekommen bin hobi ein geheimnis kauft, uuuuuhhh.....
a henna-tattoo griagt, und mei zukunft vorrausgsogt griagt, oda eher aus da hand glesn. I hob Leadership-fingerabdrücke (de hom nua 15% aller menschen) i bin recht unabhängig, mei karrierelinie hod 2 zweige, und mei lebenslinie is recht lang. Aussadem homma a armband gfundn wo Elena draufsteht, des is moi wos ganz seltenes.
Daheim am abend hamma uns sound of music angschaut und ma siagt wirklich dass österreich ganz besonders ausschaut, do gibts nix vergleichbares. Eiso simma froh dass des unsa land is.

Am Sonntag hobi ma wieda moi 2012 angschaut und woa natürlich wieda komplett ausm Häuschen. toller film. Mei schnupfen is jez ausgebrochen, leider.

Heute woa nix besonderes, aussa dass uns in di klassen gsperrt ham, I denk ma so: hods ned grod gläutet? I woa ned sicha weil mit meine neuen kopfhörer kinntns di schule um mi herum obreissn und i würds ned mitgriang. Es woan polizisten do mit drogenspürhunde die ois abgsuacht ham. ob des routine is oda einfoch so zua gaudi moi gmohct wordn is wasi ned. Gundn homs nix. Gottseidank hobi mei zeig heit daham lossn, sonst hättns ois aufdeckt und mi postwendend hamgschickt.

Extra-Klumpert:
- Meine Fotos san recht fesch wordn, mussi sogn.
- Iwonn homma uns zwa filme angschaut: City of ember, und Labyrinth mit da Jennifer Connelly und im David Bowie, des is da lieblinsfilm of all time vom David und da Caitlyn. I findn ganz nett oba ned herausragend. NIX gegen Peter Pan!
- in da schule hom jez wos kalt wird einige leit imma so flauschi-decken mit. mit hübsche disney-motive drauf. :) SÜSS
- Jeden morgen sagen wir den pledge of allegiance auf (i ned):

I pledge alligiance to the flag
of the United States of America.
And to the Republic for which it stands,
one nation, under god, indivisible.
With liberty and justice for all.

So und wenn wir nicht gestorben sind dann leben wir noch heute. Jez is grad endlich wer heimkommen, da Kevin mim Sean, jez bini nimma alleine. Badumm Disch, morgen gehts nach Larchmont, NY für Thanksgiving. Wuuuhuuuu!!!

BUBA

Da Da Da DAMMMMM

Puuh, jez hobi mei BLOG-Design auf weihnachtlich geändert, jez muss i moi zum schreiben anfangen. Es is zwar in Österreich nimma Montag, oba Montag is ob jez imma Blog-Tag!

Die Woche hobi ma mehr notizen über meine erlebnisse gmocht, so hobi mea material. Supadu
Ok Montag: Hamma in Englisch bingo gspüt und i hob amoi gewonnen, dafüa hobi: achtung festhalten, ned schrecken, wait forit.. wait for it...... 1 Extrapunkt griagt! Is des ned voi awesome? :D

Am Dienstag woa Veterans Day. Am anfang hobi mitgriagt dass iwos los is, stundenplan a bissi geändert. Sowos geht bei uns nämlich. Ma kann die uhrn umstellen, sodass a andas läutet. Oag, in da BEA funktioniert des jo ned so guad, do kamma nedamoi di schuluhr stelln.. ok weiter im text: In da 3. Stund samma olle ins PAC gangen (Performing Arts Center - groß wie Toskanakongress - eh scho wissn) do hod dann da Direktor wos gsogt, es orchester hod wos gspüt, Fahnen homs aufgstöt. Es woan wöche do von da Army, Navy, Air Force, und Marines. Des san di 4 Hauptsochn vom Militär. Es gibt ziemlic vü leit die an verwandten ham der jez irgendwo im krieg is. und einige die söba zum militär wolln.

Des mit die wochentage funktioniert leider ned so gut, weil wenn jedn tog da söbe stundenplan is, kumt am jeda tog gleich vor. Eiso Mittwoch wasi nix mea.

Donnerstag bini draufkuma dassi mi füa drama club wo gmödt hob, und an dem Tag (den samstag) i oba am International Festival bin. Aussadem hod mi neamd obholn kina vom drama club, und i bin dann ham gfoan. Daham hobi meine emails angschaut. Vom Drama Club: NO DRAMA CLUB TODAY! und wieder so a zufall. des is echt schräg.

Am Freitag hobi ma a Aua am Finger gmocht. Mim wäschekorb. :) AUA
In da erstn stunde hobi so an zettl griagt, den ma griagt wenn am a Lehrer suacht, oda hoid sehen wü. Es erste moi dass i so a hübsches rosa zetterl griagt hob. Es Zetterl war von meim Guidance Counselor, die hod mi hoid gfrogt wies ma so geht. Und i hob ia erzöht dass ma in da schui recht guad geht und dassi ma oba schwer dua, dassi glei zu olle hinrenn und mi anfreund, sprich: i find ned leicht freunde. I kann des hoid ned. Mir is liaba wenn wer zu mirkumt und mi einlodt, weil i trau mi des ned. Obwoi i seiti do bin eh scho ziemliche fortschritte gmocht hob.
und i hob gsogt dass i moi mim david klettern woa und dass des recht lustig woa und sie hod gsogt es gibt an kletterclub, und do bini jez a drin. Aussadem hods gsogt sie kennt einige lieb leut und denen zeigts mich.? öh... die zeigts.. na wurscht.

Normalerweise wenni nach da schule zum bus geh, hoach i imma Stand up von "The Prodigy". Anschaun und verstehn! :D Am Freitag hobi stattdessen Arielle 2 ghorcht, is jo ned ois hätt i des scho 999 Fantastilliarden moi gheat. Jo so woa des domois.

Am Wochenende woa nix los. Am Sonntag hamma Turkey gessn, der woa in aktion. und die kalen woa a do, do hods dann a nette dikussion über rassendiskrimierung bei Papa John's gebn. Zum Turkey hods püree und knödelteig gebn :), der eigentlich in turkey gheat, in unsam fall woas fertigfüllung ausserhalb vom turkey. Nachher hamm nu eis ghoit, und im Auto "Harry and the Potters" gheat, die singern liada üba so an zauberer der iwo in England auf so a fiktive zauberschui geht, und si dauert mit so am kahlköpfign typ streit dessen name nicht genannt werden darf. Is recht lustig :)

I hob ma scho a Weihnachtsliedliste am iPod zamgstöt. und heute in da Schule hobi a bissi durchghorcht und bei leise rieselt der schnee hobi fost zum weinen angfangt, des woa lustig, so a komischer kinderchor. Komisch jo. Oba gut.

SO jez nu a boa extra sochn, die nirgends einipassn:
- Amis hom generell mindestens 7 seitn markierte fotos von eana auf facebook. ALLE!
- i schreib gern den Namen von meim Sitznachbarn auf meine Zettel. I hob scho 4 zettel wo i Carly Chapman draufgschrieben hob. Wie ma des aufgfoin is hob i miso ausglocht..
- Da häufigste Name is Kate. egal ob Catherine, Caytlin, Kaitlyn, oda sonst wos. I kenn mittlerweile scho mindestens 7
- Da größte Trend bei Buben san jez glitzerohrstecker. manche hom nur einen manche 2. Bei manche schauts deppad aus, bei manche cool. Servus Ohrringerl, Baba gummiarmbandl.
- Am Donnerstag is Muscial: "Anything goes" und am Freitag schau i ma Harry Potter 7 an. Uiuiuiui.
- Größte Marktlücke in Österreich: Käsekucheneis mit Erdbeeren, Heidelbeeren und Keksbröserl! Jamjam

Und für alle schlauen Menschen, die nu ned der Facebook-Sucht verfallen sind, ein paar fotos:

TORTEEE
buba

elman

Chihuahua

Zum Titel: spontane eingebung

montag: nix
Dienstag: ehrlich gsagt hobi alles vergessen. i kann nur generell erzähln wos so obgeht. Eiso i schau ma jez imma österreichisches bildungsfernsehn am ATV im internet an. Sprich Saturday Night Fever, Teenager werden schwanger, Ich suche meine Mutter, Schwer verliebt, Bauer sucht Frau, etc.
Es is recht lustig und verbindet mi mit der Heimat. :) Di ganzn Bauerntrottln und Wappler und Haberer und Kieberer und Wiener und wos ned ois nu. Österreich is scho a irrsinnig klasses Land!
Jo unta da Wochn kann ned so vü tolles passiert sein, wemma nix mehr einfoit. Am Mittwoch hobi a Strupmfhose anghabt die hobi kaputtgmacht, Laufmasche von oben bis unten. Am Donnerstag vor Halloween hobis kauft. 6 Tage hods glebt, ia Kindheit und Jugend hods am Boden/in da Kommode verbracht, und jo. nix hoit ewig. :) Hob in restlichen Tag nu erforscht wie Laufmaschen entstehn und größer werden, wahnsinnig interessant sog i eich!

Am Donnerstag hobi in ganzn Nachmittag damit verbracht, dass i a Profile Paper übern WEB Du Bois schreib. 3-5 Seitn lang mit Works Cited page nach MLA regeln. Es woa ned so schlimm, wie i docht hob. I hob jo scho einiges gwusst, und so hobi hoid stundnlang nochgforscht, verschiedene Seitn angschaut, gschriebn, und neben bei Death Metal ghorcht. Na scherz, Death Metal is ned so mei Musik. I hobThe Forum Walters gheat, des is die Band von da Hannah und die singen ganz lustig und cool und laut, und i hob vorher eigentlich nie Punk gheat oba die mogi gean. (hod natürlich goa nix mit da Hannah zum doa und dass i mi nur einschleimen wü!) :D
Ok zruck zum WEB. Des mit di MLA Regeln is so a soch. Die Mama kennt des vielleicht, des san Regeln wie ma des Essay formatieren muas und wie ma di Quellen aufschreibn muas, und des is ziemlich gaga!
So weit so schlecht, hobi hoid des ungefähr glesn und die Seitn wos i ansgchaut hob so gut wie möglich zitiert. Es is leida nur 2,5 seitn lang wordn + works cited page. Und i hob womöglich ned olle punkte einibrocht, oba i hob so vü seitn angschut und mei Standard-Ausrede is: I bin a Exchange Student i deaf des. I werd eh sonst imma normal benotet überoi und in Englisch und Geschichte dua i mi hoid schwer. I dua ni di sachn lesn wos ma müssn, weils einfoch so anstrengend is. Es redn und zuhörn is scho ganz normal oba es lesn nicht.

Im großen und ganzn find i englisch fad und Geschichte interessant, weil da Lehrer wie gesagt voi cool is, und i eigentlich vorher nie wos üban 1. Weltkrieg glernt hob. und des findi oba sehr interessant, weil do a europa vorkumt. Obwoi i amoi gsogt hob dass AMi geschichte interessanter is weils so kurz is, oba i hob mei meinung gändert. Deswegen is des ganz supa dass di mama geschichte studiert. di kamma dann was erzähln. :)

Katzengeschichte: (woa glaubi in dem Moment lustiger) i geh um 10 schlafn, deinschlafn dua i um ca 11. um 10:45 bini numoi in bad gangen, diesen moment der offenen Tür nutzt natürlich jede Katze sofort! I kum zruck leg mi ins bett undhörs rascheln. Denk ma: entweder es is da massenmörder do, oder schlimmer a katze. Licht an: Es war di Katze, i hobs rausgschmissn, tür zu, ins bett. 2 Minuten denk i ma: Des gibts ned! Es raschelt wieda, Licht ein 2. Katze raus, Tür zu mit beton verputzen, dixo drauf, verschweissen, und wieda zruck ins bett und endlich schlafn. :D des war die geschichte von da Elena und di Katzen!

Am Samstag hamm nix gmacht, aussa Chinesisch gessn. Do froit sich di Elena. Es is schon ein bissi andas ois bei uns. Oba trotzdem jamjam. (zu englisch: nomnom)

Am sonntag wari mit da Michele bei am irrsinnig spannenden Boy Scouts meeting, wo i folgendes gmacht hab: NIX, um 4 oda so samma wieda heimgfoan. Den darauffolgenden Dialog daheim werdi genau wiedergebn:
David: Elena, do you wanna go rock climbing?
Elena: Now?
David: Yes.
Elena: Ok.
Jo und dann samma klettern gfoan. In so a Kletterhalle (Na waßt eh, am Berg, in Indiana, im November). Des woa anstrengend und oba auch lustig. Mir dan imma nu dia arme weh. In der Halle hod ma entweder si gegenseitig sichern können oda mit so am autodingsums (Autobelay oda so) klettern kina. des hod am dann bremst beim obi falln. I bin hoid so auffigreut, a bissi zruck, numoi weiter, und dann woa i oben. und hob mi ned falln traut. bini hoid 2, 3 minuten do obn bickt. Schlussendlich hobi mi dann do einifoin lossn. Es woa natürlich ned so schlimm. Wie beim turmspringen oda so, es erste moi is am schlimmsten. I mog trotzdem gern amoi bungeejumpen. Beim hinfahrn hamma an rgenbogen ohne regen auf ana wolke gseng. Ganz komisch, ma hod nur des stückal bunte wolke gseng aber es war a schönes stückal wolke. :)

Heute war da schultag hauptsächlich unproduktiv, daheim habi di Küche gesweept, und dann habi mid da GAAABII und im KIIILIIAAAAN geskypt. da kilian hod glei zum schrein angfangt wie a mi gseng hod. i hob nua gschaut und 10 oktaven höher in babysprache gelallt. da Kilian hod dan gejausnet und dann gschlaft. I hob ganz vp skype fotos gmocht, und später festgstellt dass is alle von mir gmacht hab und ned vom kilian. SUPA! Jo jez sitzi imma nu do. Vasuach a schönes lied von sailor moon desi niagends find selbst vom hörn in ein grintiges programm zum schreibn. Des kann dauern, weil i mit takt und notenlönge usw, ned ganz sicha bin.

Guad jez dua i jausnen und sog baba. :)




Regenbogen

Wichtig!

Heute schreib i nochamal, weil imuss was nachtragen! Es is geradezu ein FREVEL (falls ma des so schreiben tut) dass i des vergessen hab.

Weil i hab jez einen Cousin. :D

Der heisst Kilian und is ein Halloweenbaby. Und sicha es coolste und suesseste baby in ganz schrems! Er wohnt auf einem bauernhof hat ein winnie pooh zimmer. Weil des nemlich cool is! Die gabi is seine mama, der gerald sein papa. Die barbara seine tante und di elena seine cousine.

Ds war jez a willkuerliche zusammenfassung vom Leben des kilian. Wos uebrigens sowieso da coolste name is in ganz Niederoesterreich!

So des wars vom kilian und nun zum Wetter:

Nachts frierts schon, heute frueh -0.22 grad. Am freitag ist in zionsville mit schregen zu rechnen, da froin wir uns und am sonntag is zeitumstellung.

I hab meine kopfhoerer kaputt gmacht, dabei san die doch so qualitativ hochwertig...

So des wars mim nachtrag. Bis dereinst

Halloween

Habedahabedahabeda

Jo so woa des damals. Letzer Eintrag am 21. Oktober. Freitag danach samma nach Bloomington gfahrn und ham in Sean vom College abgholt. Am Samstag hamma soweit nix gmacht, oda i hobs scho wieda vagessn.. ajo i hab mit da Michele Pyjamahose kauft. (1 mit halloweenkürbisse, 1 mit totenköpfe) und i habma a so a blechtrinkflasche kauft, i glaub neddassma des thermosflasche nennen kann. Am Sonntag... was i a scho nimma. I was dass ma uns Doctor Who angschaut ham. Weirde sache. mittlerweile handelt es sich umdn 11. Doctor. die serie gibts seit 1963 weil da Doctor a alien is, mit 2 herzen der wenner am sterben is einfach a neue gestalt annimmt. Deswegen kanns die Serie so lang geben. War a bissi gruselig aba lustig.

Montag und Dienstag war Fall Break, weil 9 Wochen beendet.
Am Montag warma beim IKEA und ham an klan Schreibtisch kauft und a Lampe, für mich. und wir sin nur 2 stunden hingfahrn, da eingang is genau spiegelverkehrt wie in Linz, die Kötbullar gibts mit Pürree satt mit Kartofferl. Pffff

Am Dienstag bini von Sirenen aufgweckt wordn, des war schön. hab ned gwusst warum hobs fenster aufgmacht weils so warm war und bin Haare färben gangen ins Bad, dann hod auf amol a fetzn Sturm losglegt und i hab docht: Scheiße Fenster offen! I hob ned zumachn können weili jo mittn unterm Haare färben ned aufhörn kann, die farbe geht jo nirgends mehr raus. hobi hoid fertig ind haare gschmiert, und dann habi Fenster zugmacht. Zu spät allerdings es halbe Zimmer war scho nass. :) Nix wichtiges zum glück. Der Laptop war gottseidank ned auf seinem platz unterm fenster sondern auf am rolltisch nemam bett. Glück ghobt! Die haare sin dünkler wordn als i docht hob, nicht sehr rot. I haba bissi es Pyjamaleiberl mit farbe anpatzt, jez schu i aus ois hätt i wen obgstochn. Wiezig
Jo da David hat später gsogt es wor a Tornadowarnung, (es wird immer wieziger). Wie die oma so treffend zusammengefasst hat: Tornadowarnung!!!!!!! Und die Elena machts Fenster auf und geht duschen...
Am Abend habi dann festgstellt dassma jo am Freitag in Geschichte a 1912 Teaparty ham. Ich war da W.E.B. du Bois. (sogn duad ma ned web düboa sondern dabbeljuibi dubois).

Am Mittwoch woa dann wieda Schule, irrsinnig klass, du. Na is eh ned schlimm, oba frei is imma besser. Des warn zwar nur mea 3 tage über oba die warn dafür stressig. Mir hod noch ein Fotoprojekt gefehlt, weil i mi do ned auskennt hob. I hab dann einfach irgendwos fotografiert. Dann hobi mitgriagt dass die andern olle NOCH a projekt weiter sin. Ganz super!

Am Donnerstag dann habi gwand suchn müssen des i als WEB anziehn kann, oba i hab auch noch mehr recherchieren müssen. pfuuh.... Am Freitag wari dann bei da teaparty ned sehr gesprächig weil i zu viele topics einfach nix gfundn hab. Des nechsteste Fotoprojekt des am Montag fällig war, habi a ned ghabt, wieder a unproduktive photography-stunde. :( Dann war endlich wochenende. Wir ham noch Kürbisse gecarvt. Ich hab einen Mister Wilson Kürbis gmacht, als Tribute an Y-Titty (Youtube-Kanal, kennt si wahrscheinlich jez kein mensch aus).

Am Samstag hamma dann A Kostüm kauft bei "USA's Halloween Planet" was eigentlich ein Paradox is, weils kan Palnet in USA gebn kann! I hab ma a Hexenkostüm ausgsucht, i hab allerdings ned soo viel auswahl ghabt weil so ziemlich alle Kostüme, wie solli sagen, relativ "freizügig" warn. Am Abend habi ma "der Aufschneider" angschaut, und wieder moi bestätigt da Hader is da beste Kabarettist, und Schauspieler Österreicher. A wenner irsinnig unfreindlich sein mog.

Sonntag wari mit da Carly, iara Schwester und Eltern in da Kirche, ma soll alles mal ausprobieren. Die san alle so lieb, wirklich.
In da Kirche wars naja. Es singen war ganz nett, i hab aber ned mitgsungen. Die Predigt und so hod ma nur wieder mal bestätigt, dass ich nicht mit dem einverstanden bin was der sagt. Najo
Nachher warma noch lunchen, und des war auch recht lustig. Die Mama von da Carly is auch so ein Liebi wie die Carly. Dann hams mi heimbracht in iam Hausgroßen Großfamilienauto, (6 Kinder) mit Fernseher. Wir ham uns Friends angschaut. Der fernseher lasst sich dadurch erklären dassma auf ana Autofahrt zu sagma Oma und Opa die womöglich 24 stunden entfernt wohnen, irgendwie 6 raunzende Kinder unterhalten muss. Die Carly is die jüngste, eiso des Problem gibts eh nimma. Am Abend hams mich wieder abgholt zum Trick or Treaten. Wir ham ganz viel Candy abgstaubt. I mag Halloween.

Heute Montag, in Photography habi festgstellt, dass nicht es Projekt heute fällig war sondern nur die Fotos, und die habi ghabt. Jez weißi a wieso si des ned bis freitag ausgangen is. Da hätt is dann vor alle andern ghabt und nur blöd stress. Tja Zufall gibts eben nicht, goi Papa! :D

So jez bin ich daheim, da David und die Kalin da, Musik hamma ghört, Stop-Motion Videos angschaut und jez damma jausnen. Es Leben is schön.

Extras:
- Zeitumstellung is erst nächste Woche bei uns
- Beim Kiddy-Contest war eine aus da BEA
- Kick-Ass is a cooler Film
- The Prodigy san cool
- The Forum Walters auch
- Am Freitag schreegnets vielleicht
- mei zimmer schaut aus
- Da Akku is glei leer

Endlich fertig, buba :)

Wuhuu

Grüssi

ok. letzter eintrag am 14. oktober. soweit so schlecht
.
Am Freitag simma nach Carmel gefahren (Carmel vs. Zionsville = Gmunden vs. Vöcklabruck) dort wari bei den Callahans weili dort auf die anderen AFSer um Indianapolis gwartet hab. Dann simma in 4 autos aufteilt nach Berrien Springs gfahrn. I und da Christian aus Deutschland sind mit da Amy gfahrn. Des war a super Aufteilung. Wir 2 deutschsprachigen mit da Amy die 2 Jahre in Deutschland gwohnt hod. 3 stunden autofahrn. Und do homma Mashups ghört. Des is cool wie manche Lieder so gut zampassen. Hier dazu gleich ein fesches Beispiel. Zwischendurch warma bei Subways. Ich zum ersten Mal. Dann samma weiter gfahrn und i hab im Christian um 5$ in Vordersitz abkauft. Glaubt er.

Dann hamma im Auto a bissi gemützt, es war ja immerhin schon halb 9. um 10 warma dann in Berrien Springs bei da Francesca und im Ric. Die hamm a ganz klasses Haus. und an Hund der ganz supi Tennisbälle apportiert. Da hamma dann "GENÄCHTIGT". um 5:50 simma aufgstandn und um 6:30 simma zum Flughafen in South Bend gfahrn wo auch der Zug weggfahrn is. Dort hamma dann alle andern AFSer aus Indiana troffn. bis auf 6 die ned dürfn ham. Jo genau. Es gibt zum Beispiel eine die hod amoi iare Eltern angrufen und jez hatts komplettes computerverbot weil iare gasteltern des ned wolln. Vielleicht wollen der ihre richtigen Eltern wissen obs noch lebt, wie wärs denn??
najo gut, i bin neben der Sophie gsessn die is aus wien und es war total komisch österreichisch zum reden. nach 1 stunde is dann normaler wordn.
Gut dann worma do, san auffiganga, BÄM hochhäuser. größer oisi je gseng hob. Weiters samma dann zu so am offenen Tour-Bus gangen, a boa san aufs klo und i hob derweil a boa fensterputzer auf am haus entdeckt, ziemlich ZIEMLICH weit oben. oba der bustyp hod gsigt dassma da 90$/stund griagt, do hom donn einige gsogt, jo des würd ich doch machen.
Joa dann samma auf Chicago-Tour gfahrn und da Mr. Bus hat uns alles erklärt, über die Brücken die auf und zu gehen, die höchsten Gebäude, in Park, den See (der echt ausschaut wie ein Meer)!

Nach der Tour simma in Gruppen teilt worden. Wir warn die "Meatballs". Ich, die Liselotte aus Dänemark (Liselodde löl), der Filipo aus Italien und der Juanma (Juan Manuel) aus Costa Rica [Wo i übrigens 50qm Regenwald besitz!] Der hod 6 Leiberl und Pullover und a Haubn anghabt, weil in Costa Rica is hoid imma a bissi wärmerer. Wir warn in am 3-Stockwerke-Nike-Store, in am Disney-store, in am Apple-Store und im "Water Tower Place". 6 Stockerke! Und do hob ich auch noch eine lustige Geschichte: Es gibt überall keine ordentlichen Türen sondern nur so Glasdrehtüren, und da Juanma hod glaubt die Tür is scho aus und is volle Kanne gegns Glas grennt. Wir san olle fost am Boden glegn, :D

Nachm Shoppen simma noch aufs Hancock Building auffigfaoan. 96. Stockwerk. Awesome, sog ich euch schon. :) Do homma dann fotos gmocht und gsessn simma und dann simma wieda runter, zu Hershey's Schokodingsgschäft. Und DANN ja dann simma mit am Taxi zu Giordano's gfoan und hom dort Stuffed Pizza gessn, ganz toll. Und gsungen und glocht und a riesengaudi ghobt homma. Nach 2, 5 stunden essen samma dann heimgfahrn mim zug wieder. Da hamma dann mit die iPod-Lautsprecher musik ghört. Im Zug. Super Qualität ohne Frage. Und I hab mit da Anna-Maria aus Bayern laut gesungen, sie a bissi lauter und falscher wie i, weils die Texte besser können hod. Wir san nemli aufn Christian sein mp3-Player umgstiegn weil der bessere Musik ghabt hat. Später habi da Cansu aus da Türkei no alle meine Entchen beibracht und sie mir a iagend a lied oba i hob alles wieda vagessn. Und dann warma a scho wieda do. Riesenspaß ghabt am Sonntag dann wieda heimgfahrn.

Ajo und i wor dann nu mit da Fiona im Kino und da hamma uns Easy a angschaut. Und ia Mama hod gsogt dass scho in Österreich woa und dass eins der schönsten Länder überhaupst is! :)



Ok, des war Chicago, wos mir do noch einfollt, is folgendes: Es gibt auch einen AFSer aus Mosambik der heißt Belvion und is taub. Des is doch a Wahnsinn, dass der a Auslands ´jahr macht, des is wirklich mutig. Weil er kennt portugiesische Gebärdensprache und die is anders als ASL (American Sign Language). Deswegen lern i jez ASL. I hab scho a buch aus der Library und do lern ich jez. Macht spaß, mussi dann später nur wen finden der taub is damit i ned alles verlern. :) Ajo wos witziges: Es zeichen für Moron (Idiot) is kaum zu unterscheiden vom Zeichen für Government (Regierung) ZUFALL?


Im Internet kamm immer genau nachschaun welche noten ma hat, und bei mir is des (Jetzt zum Ende der ersten 9 Wochen=Quartal) 3 A+ und der rest is unwichtig. :D


In Indiana gibts übrigens erst seit 3 Jahren Sommer- und Winterzeit-Umstellung.


Am Dienstag war unser erstes Konzert. Alle Chöre von der ZCHS. Und es war so toll. Alle ham a Kostüm ghabt, eiso ned Kostüm im Sinne von Verkleidung sinder alle es selbe anghabt halt. Die Mädchen ham a weißes Oberteil und a schwarze Hose ghabt und die Buam schwarze Hose mit grauem Hemd. De sis alles von da Schule bezahlt worden und es hat Sponsoren gegeben, und wirklich toll und aufwendig.
Natürlich warn wir nicht der einzige Chor. Es gibt noch den Chamber Choir, Men's Cadett und Ladie's Cadett Choir, und 2 Showchoirs: Royalaires und Choralaires. Die warn so super. Des war ned wie ma si a Schulaufführung vorstellt. Des war so wie ma si Broadway vorstellt (fast). AMAZING!


Puh what a BLOG.


Noch ein kleiner Fact: Nach der Schule wenn i ausm Gebäude is imma so hekll dass ma di Augen wehtun, weil ma in ganzen vromittag nur es künstliche Schullicht hat, und in alle Klassenräume die Rollos herunten sind. WÜD


Heute hobi ma Iron Man 2 angschaut. Gfallt ma sehr gut. und morgen holma in Sean vom college ab und dann damma Kürbis schnitzen, und dekorieren und lauta sochn holt weil nächste woche is jo HALLOWEEEEEN....


Gut des woas buba, pfuat euch torte, mia duads Kreuz weh.

++ UND BEWERTEN NED VAGESSEN++

BÄM 2 - Nachtrag

Joa i woa heute noch beim Orchestra Concert, und es woa recht schön, es woan leida ned so viele leute do. Des hod mi a bissi gwundert. Mir hods gfalln und da Schluss woa recht klass. Pachelbel Canon in D

I versuch noch meine gefailten Fotos iwie reinzumstellen. auf Facebook sinds schon o

bades kann ned jeda anschaun. eiso Geduld.

So fertig baba

BÄM

ich muss ma wirklich aufschreiben was i mach, i merk ma nix.

Ok, Samstag warma eingeladen bei am Pig Roast. Di ham ein ganzes schweindi gegrillt. Ich hab einen Zwetschkenkuchen gmacht. Hat keiner kennt und jeder gessen. oba es gibt ja hier kene zwetschken sondern nur plums. und es mehl schmeckt a bissi komisch. Oba es woa leckerschmecker. Es hod jeda wos mitgebracht, des is so üblich. es gibt andare sachen, es is überall mayonaise drin, WÄÄH! Im Kartoffelsalat, im Kartoffelauflauf, bei di Nudeln, im Salatdressing. Magi ned so gern. Oba gut.

Am Sonntag hamma Hosi kauft, fürs Choir Concert nächsten Dienstag. Heute is Orchestra Concert oba i was ned ob si des ausgeht, weil es is noch niemand daheim, oba i habs am Dienstag scho gsagt dass i des sehn will. Wir werden sehen.

Am Montag hats 28° oda so ghabt. typisch oktober. dienstag woas a warm. Gestern und heute wars kälter.
Ajo am Mittwoch hamma PSAT ghobt. des is wie a känguru-test, nur größer. dauert 3 stundn, hod 5 sections. Habi komplett geFAILt. 1. teil woa zum lesen. und donn fragen übers gelesene, und i hab ganz einfoch die Wörter ned kennt. i habs dann einfach auslossn, weil wemma foisch ankreuzt griagt ma 1/4 punkt abzug. eiso teil 1 hobi 7/24 fragen BEANTWORTET. jo die zwei teile mit mathe warn einfacher, weils jo zeimlich es selbe is. nur hobi manche einfoch generell ned checkt, und ned genug zeit ghabt und i hab ned gwusst was perimeter heißt.

I seh grad dass die "Gelben Seiten" in Omeriko "Yellow Pages" haß. Osom, goi?

I hob heute beschlossen dass awesome auf deutsch osom heißt. Es gibt so viele Wörter dies auf deutshc ned gibt, oda ned gut genug. Awesome, amazing, horrible.

Heute war Drama Club Bake Sale, i hab wieder Zwetschkenkuchen gmacht und jo. Im Drama Club meeting, homma die Musical -Leute beim tanzen zugschaut, und die san sooo gut. Alle ham steppschuhe an und des is wirklich cool, sogar an Choreographen hams. Es san so viele und nemli a buam. bei uns gabats sowos ned. Nehmts eich a Beispiel 7bw!

Gestern war 2-Monat-Grenze Jez sinds nur mehr 8,5 Monate juhuu.

Morgen gehts nach Chicago. Mit die anderen AFS menschen. Da kann i endlich wieder moi mit wem österreichisch redn.

In Photography habi endlich die Fotos fertig gmacht. A boa san schwarz weili die Kamera aufgmacht hab bevor da Film fertig aufgerollt, war. :) I hab vagessn in kleinen Knopf drücken und i woa scho müde. Jo dann habi a boa Fotos gmacht, a boa zettel fotopapier gflaucht, dann festgstellt dass ma bei olle fotos an weißen Rand brauchen. Olle Fotos umsonst gmacht. YAY!
Heute is ma dann es Fotopapier ausgegangen, des heißt morgen mussi entweder schnorren oder nix machen, und i mag Photografie IMMER NOCH.

Mei Schule hod a so a Veranstaltungshallending (i was nedobs ka deutsches wort gibt oder obis einfach vergessen hab) des is ungefähr so groß wie da Toskanakongress, eiso nur der Teil mit Bühne und Tanzfläche imTK. oba des is trotzdem osom.

Heute hobi a email von da Li griagt und i hob gweint vor lauter lachen. Diese Li nix ois unsinn im kopf. Sie sagt dass mit mir überall angeben kann. do froit sich die elena.

Ajo, da i merk dass si "Elman" scho einigermaßen ois mei neuer Spitzname etabliert. Des findi gut, weiter so. Elman is nämlich VOI COOL! Bam oida

Gut, fein, BABA :)

E L M A N

FAIL!!!!

so, der blogeintrag war ein paar stunden online, nur mit titel FAIL!!!! weil mim ipod kamma nur in titel schreiben.

Ok eiso der titel rührt daher weil ich das fach Fotographie habe und da haben wir ein Projekt machen müssen "'round the hood". Jo so weit so gut. Bini halt rausgegangen hab 30 fotos gemacht, brackets inklusive, des heißt ich amch erst ein lichtmäßig perfektes foto und dann eins de sa bissi zu hell is und noch eins des zu dunkel is.
Es entwickeln is a ziemlich langwieriger prozess, ma muss in kompletter dunkelheit den film rausnehmen, auf eine film spule wickeln und in einen lichtdichten kanister einsperren. dann mit allerlei Chemikalien entwickeln, des dauert ca. a halbe stunde. dann gibt man den film in den trockner.
Vorgestern hab ich festgestellt dass alle bilder übereinander waren so dass da ganze restliche film leer war, eiso daheim nochmal 30 fotos gemacht, gestern den film daheim vergessn, heute entwickelt und festgestellt dass diesmal absolut gar keine fotos drauf waren. nix. eiso heute NOCHMAL 30 fotos machen und hoffen. wenigstens üb ich dabei.

Und obwohl mir des so viel Aufwand bereitet, mag ichs immer noch gern, vielleicht studier ich photografie.

Was war sonst noch so? Am montag ist die druckerpatrone mit der post gekommen, und ich hab mir fotos in A4 ausgedruckt.
Mama, Papa & Elena, Anna Und Jannö, Oma mit Sonnenbrille, Opa, Bea & Julia.
Nur der blöde dixo halt ned sehr gut auf der Wand, des liegt an der Farbe. Glänzend.


Jo i erzähl moi was ma in da Schule so machen. In Chor singen wir "The River sleeps beneath the Sky" des is rechts schön und auch ein Spaß weil manche Buam unbedingt Alt singen wollen und nicht Tenor. :)

In Electronic Music sollen wir eine Melodie erfinden 8 takte lang in einem 2000$ Programm (Finale 2009). Da hat man ein Notenblatt vor sich und kann entweder mim Synthesizer oder mit da Maus Noten schreiben.

In Englisch sind wir mit "The Scarlet Letter" fertig. Ich hab das Buch nicht gelesen, weils einfahc zu schwer is. aber ich habe Zusammenfassungen von den Kapiteln. Wir schaun auch den Film von 1979 an, es gibt auch einen mit der Demi Moore aber der is ned gut.

In Geschichte simma gerade so um 1900. dauernd kleine Tests, aber ich mags trotzdem weil der Lehrer cool is und am Anfang von der Stunde gibts immer "Current Events". Was so abgeht überall. Was gibt es Neues? Es einzige was ich da bisher beigetragen habe: In Gmunden gibts Bier-Eis.

In Digital Design beschäftigen wir uns gerade mit dem Adobe Illustrator und müssen ein Logo perfekt nachmachen. Ich hab mir das Aussenseiter Logo ausgesucht.


maaa jez hobi grod a babymaus gfundn. Die Katze woits essen und hod sis nebn ia schüssel glegt. Oba leida hobis aussidoa miassn, weil wemmas großziehen wü muasmas olle drei stund füttern. und i bin von hoib 8 bis 4 ned daheim. und vermutlich deaf is a ned.


hobi scho erzählt dass i am "Feast of the Hunters Moon" woa? Jo dort woas schön und nicht warm. so Puritanisch hoid. Oba mia hods scho gfoin, mi freuts nua ned erzähln. :)


FERTIG!
Pfiat euch baba