Don't Blink!

Am Mittwoch woa Halbzeit, uiuiui. Und zur Feier des Tages hobi zum ersten moi in Bus verpasst. Oba zufällig woa da David auf, weila bei da Kalin woa und die hodn aussigjogt in da frua und do isa hamgfoan, und donn hoda mi ind schui gfiat. Des woa cool. Es neue semester hod angfangt eiso hobi, najo ned neue klassen, oba hoid neue menschen in di oiden klassen. In elecctronic music bini jez es einzige mädi,  in Photography und Digital hobi an neichn Lehrer, der kennt si nu ned so aus, und jez mochma grod a so a komisches ding, des is wie a collage do stöt ma einfoch random klumpert eini und so, oba scho a bissi noch am thema auf englisch hasts Diarama. i hob "Home", und moch do so wasser mit traunseeschiffal und am berg und in rest wasi nu ned. i hob jo so guad wie ka kleinzeug. 

gschneit hods a. 

Mei neicha Lunchbuddy is jez di Fiona. Mit der is imma lustig, jez bini ka Lunch-Authist mehr. :)

Die Fiona is a so a Fan von How I Met Your Mother und Bones, und weil i jo staffeln 1,2,4 auf DVD hob, hobi ia des borgt und si hod ma Young Victoria borgt.

Daham hobi ma dann Young Victoria angschaut, noch am Haufen Probleme mit Windows Media Player und andare Windows Programme hobi dann in VLC oda wasi wie der haßt gnuma, der hod hinghaut.

Am Montag hobi jo schnitzel gmocht und do woan nu erdöpfi üba und do hobi dann an erdöpfisolot gmocht. mit zwüfi. jamjam

Am donnerstag bini hamkuma und dann hobi mi einpockt und bin spaziern gangen zu so am gruseligen haus. Des woa eingfoin a bissi und vor di türn und fenster woan bretter und schilder wo draufsteht "No Trespassing" oba am hintern ende hod wer des aufbrochen ghobt und ma hod einischaun kina. Des woa oba so gruselig mitten am feld in a leeres haus einischaun, eiso bini schreiend weggrennt. Nicht! 

I hob a wos ganz tolles festgstellt, normalerweise funktionert jo da iPod mit körperwärme. eiso mit handschauch geht do nix, oba wenn da bildschirm voi kalt is, (zum beispiel wemma 1 stund im schnee herumrennt) dann geht des mit handschuach a. Klass, oda? 

Zum essen hods amoi wos neues gebn. am anfang hods ausgschaut wie a riesen plastiksackerl mit obstsalat. oba es woa kartoffln und fleisch und karotten und sellerie. Des woa schon gut, nur ca 75% der kartoffeln woan nur a weng roh, oba sonst woas ganz jamjam. 

Am Abend hod di schui angruafn freitag is 2-hour delay. YESS!!! Do bini natürlich länger aufbliebn und hob ma schätzomativ Doctor Who angschaut. (i kann mi ned erinnnern) Des is jez a ane meiner lieblingsserien. Auf englisch is hoid wieda moi vü lustiger. Die spinnen die Briten! Manche folgen san echt gscheid unheimlich.

Jez schreibi grod in da schule, i bin so schlimm. oba i hob nix mehr zum doa.

Am Freitog woa 2-Hour delay. des woa gmiatlich. um 8:30 aufstehn. und jo herumsitzen weili scho fertgi bin. und so. Jo, und da Sean is a kuma. des is jo imma voi die fahrt. do foat ma jo 1,5 - 2 stund. um 8:45 sans kuma. so woa des domois. 

Am samstag, woa i schlittenfahrn mit da Fiona und 2 freundinnen von ihr.. des wor ein recht ein spass. Am einzigen hügel in zionsville. i hob kan schlitten ghobt und bin hoid mit am schlittn von di andan gfoan. Do woan a dann so typen die si voi aifgfiat hom und neon-orangene Jacken und hauben anghabt hom, von die ma augenkrebs griagt. Die woan für ois zdeppad. Ka anziges moi homsas ordentlich in hügel obigschoft. 
Genau und i und di Fiona hom uns zum schluss nu ohne schlittn obighaut. 2moi obigrollt. mir is da schnee ind jackn einigfoin und i hob dann mei gesamte rückseitn nimma gspiat. ois taub. dann hamma nu a zeitl woatn miassn aufs obhoin. 
Daham hobi nu 2 stund kälte ausgstrahlt. normalerweis wird di couch woma sitzt jo worm, bei mir is hoib gfroren. mit flauschijacke, flauschisocken und flauschidecke woa ma imma nu koid. Wir hom nu mehr doctor who gschaut. später hobi mit david kalin und sean nu matrix angschaut. jez kenni mi bei dem a bissi bessa aus. I hobs oba ned fertig ansgchaut, weils ma zspät woadn is. 




Am Sonntag woa wieda nix los. Am abend hod da david in sean wieda hamgfiat, und so woa des hoid. Am abend hobi ma die letzte gruselige folge von doctor who angschaut.Die wo mitm teufi, des woa scho wild. bei schlafn hobi dann die ganze zeit über so schöne sochn wie teufel, in 5 milliarden jahren explodiert di sonne, do brutzel ma olle dahin, aliens,schwarze löcher, und wos ned ois furchtboas im weltall gibt nochdocht. des woa sehr beruhigend, und i kann eh so scho ned guad schlofn. 

Ma so viel nu...

Motag woa schule, dienstag woa schule, mittwoch woa schule gestern woa donnerstag und heute is freitag. I hob ma wieda einige Doctor Who und Family Guy.
Aussadem homma in geschichte an ausschnitt von "Save Private Ryan" angschaut des is a kriegsfilm. Do homma den teil angschaut wo die Amis in der Normandie die Nazis angreifen. Und dazu homma dann wos schreiben miassn. Des woa ned soo schwer des hobi in study hall vorgschrieben und daham nur mehr obschreiben und a bissi abwandeln miassn. englisch is scho komplizierter. Do miassma a persuasive paper mochn über a aktuelles thema. i hob smoking Laws. Do miassm dauernd so zettl mit irgendam passenden artikel ausfuellen, wos genau do drinsteht und lauta so klumpert. oba es guade an di doofen englisch und geschichte aufsätze is dass i mi jez weniger vor ana Fachsbereichsarbeit für di Matura. Fiachtn dua i mi vor mathe und mündlicher matura.

Zwischendruch hobi ma moi Inglourious Basterds angschaut, so schöner Film. ganz toll. Oba i findn scho cool!

 


Heute foa i ham, dann muas da sean so zwischendurch a moi obghoit werde. dann ziangma in a hotel und gehn ins kindermuseum in indianapolis des es grösste Kindermuseum is des gibt, do is a Dinosaurier drin und a Barbieausstellung. Wos ma sonst nu mochn wasi ned. Boa he jez gfreits mi nimma.

Zur erklärung warum da Blog "Don't Blink" hast. Bei Doctor Who gibts jo haufenweis monster und aliens. Auch die Weinenden Engel. Die kinan si nur bewegen wenns neamd anschaut Des is a schutzmechanismus, wenns wer anschaut werdens zu stein und san unzerstörbar, und weinend hasns deswegen weil wennsa si gegenseitig anschaun donnn sans für immer versteinert. Deadlock hast des(auf englisch). des is a bissi so wie ochs am berg. Die schaun dann a ziemlich gruselig aus. 

Die Weinenden Engel san a auf Platz 1 der unheimlichsten Monster. (Von wo und wem wasi ned)  http://www.faqs.org/shareranks/2700,Worlds-Scariest-Monsters

Jo, danke für ihre Aufmerksamkeit.

Torte

Erdöpfi + Zwüfi = Erdöpfisolot

Grüßi.

Es el dienstago heuto.
Hui Silvester is a scho wieda so lang her. heute is da 18. Jänner und morgen is HALBZEIT!

Jo, eiso i hob grod "Semsterferien". Samstag Sonntag Montag Dienstag. Voi lang und so. Meine Noten san voi ur klass, 4 As, 1 B, und a C+. oba bei soiche deppenfächer is des jo ned schwer für mich, die i jo total kunstbegabt bin. ;)

Am Samstag woas recht cool. Do homma am abend Rockband auf da Wii gspüt, i hob amoi "beat it" gsunga, des woa recht doof, weil des doch relativ hoch woa udn mei stimm imma nu a weng kaputt woa und so is zu 50% goa ka ton aussakuma. Najo oba es woa recht lustig, nochher samma mia kinder am tisch gsessn hom gjausnet und antiwitze erzöht. die hobi großteils ned vastandn. und Klopf-Klopf Witze a. die hoss i. Soiche dummen witze, die san nervig und unlustig und blöd!
Mia ham a über vorurteile diskutiert. wos is typisch österreichisch, deutshc oder amerikanisch. Österreich is a Bergdorf ohne Zivilisation, olle singen und rennan imma in die berg herum. Des mit da Zivilisation is aus da schui. Mi hom ernsthoft a boa gfrogt ob wir internet hom. Do manan einige wir san 30 joa hintn. Di soin si moi anschaun, die.
Späta homma nu eis ghoit. jo donnn woa da spaß vorbei und jeda hod iwos gmocht.


Vom Sonntag liegen momentan kane Aufzeichnungen vor, do...a na moment, genau, i hob jo HÜ ghobt. A Pearl Harbour essay, a concert observation und wir hom a gedicht vortragen miassn do hobi a nu wos schreiben miassn. Eiso die volle gaudn hobi ghobt. ajo und wir ham so a katzenspielzeug des quietscht, und des is kaputt, des haßt es quietscht imma, da sean und i hom 20 minuten braucht bismas endlich zum schweigen brocht hom. wir hams and wand gschmissn, san draufgstampft, homs ganz fest zamquetscht, im endeffekt hod mas nur a bissi auf da seitn drücken miassn damits aufheat. Am abend is da sean dann wieda zruck zum college gfoan, des woa traurig, jez bini wieda großteils einzelkind, weil da david oft nu schloft wenni um 4 von da schui hamkum und dann foata oabeiten.supaa


Montag woa schui, überraschung, des hätt si jez kana docht. Und jo do woa nix. kann mi zumindest ned erinnern. I bin wieda wie a authist beim lunch gsessn, nix redn, neamd anschaun, essn und gehn. Na so schlimm is a ned :), oba i hob einfoch meistens nix zum sagen, die san olle in da band und in gemeinsame klassen, die kennan si olle scho lang. Die redn über leit und sochn wo i mi überhaupt ned auskenn, und sonst kenni oba neamd in meim Lunch (es gibt A, B, und C).


Wos sonst so an die einzelnen Wochntog passiert is wasi nimma genau. Wir ham jedenfalls mehr Zeit für unsa Pearl Harbor essay griagt, weil ma jo den vortrag ned wirklich ghobt hom. Da Mr. Nolan hod gsogt, dass ma in Vortrag stattdessen am Freitog hom. Die concert observation hobi 2 tog zu spät obgebn wiel i faul bin.
Auf mei englisch gedicht vortragen hobi a A- griagt. I hob in "Erlkönig" vortragen, oba auf englisch obwoi die verison ned so schön is wied di deutsche. aussadem wimmelts im englsichn nur so von: thus, thy und thou. (also, dein, du) do hod offensichtlich ana an gscheidn sprachfehler gobt wenn aus dem th-ou jez a y-ou wordn is. Najo i hobs ganz gut hinter mi brocht, und nur an mittleren nervositätsanfall ghobt. I bin eigentlich ka Gedichtfan oba da Erlkönig is cool. I kenn eigentlich kane andan gedichte wirklich. (Satzbau???)
Die ersten drei strophen kanni scho auswendig.

Jez hobi grod a papierl indn wäschekorb einighaut!?

Mim Schnee is draussen imma so hell. In großteil von meim tag bini imma im dunklen teil von da schule, wo entweder nirgends fenster san oda olle die rollos herunten hom. und wenni dann zu englisch geh, kum i bei so fenster vorbei und do is dann imma so hell dass ma di augen weh dan.

Hm wos nu? hobi iwöche filme gschaut, na. Oba "Top Gear" hobi ma einige angschaut auf Netflix. the most watched show ever. Hier wieder eine kleine Probe. I bin wieder moi am boden glegn.

Jo so woa des domois. Dann woa wochenende. Am Samstag woa i frühstücken mit da Mara. i kenn mi in soiche Cafe-dings überhaupt ned aus. vor allem kuman mir do olle imma so unfreindlich vor. Und kellner gibts sowiso nie. najo schon bei steak'n shake und Perkins und bei der pizzeria in chicago...
ähh genau, und do homma eben so plaudert und donn hods mi hamgfiat. Die hom olle so coole Autos!! mahaa
Am Abend samma in die Mall  gfoan und die Elli hod endlich wieder 2 ohrlöcher. jez kanni a da Mama ihre ohrringerl boid einidoa und so ganz große ringe a, die passen a voi so zu mir.

Am Sonntag hobi mi in meim zimmer versteckt, weil es FBI kuma is und gforgt hod wegen illlegale Einwanderer aus Österreich. Oba des hod si dann eh ois aufgeklärt.   ...   Des woa jez ein Witz. Des stimmt ned. Ha Ha Ha. lolololololololololololololololololololololololol ... rofl ... roflcopter ... *scherz*

Am montag woa ma frühschoppen ähh.. shoppen. jo do hobi hoid wos kauft, is eh im papa sei göd. und DANN! jo dann samma zum target, hom geheime zutaten kauft und san ham gfoan.

UND DAAAANNNNNNNNNN!!!!!! hobi schintzel gmocht. mit erdöpfi. und an solot mit zwüfi. i hob a bissi zvü erdöpfi gmocht, deswegen san 7 überbliebn. mei vorschlag dassma draus an erdöpfisolot mochn, wurde mit allgemeiner begeisterung abgelehnt. den mog in meina famile kana. Soiche spinner, die kennan jo da oma ihrn erdöpfisolot ned. Des hobi erna a vorghoidn und da david hod drauf gsogt, dass des a ziemlich unheimlich war wenns da oma ihrn erdöpfisolot kennen würdn tätn. :) jo schnitzel kennans jez a, i hob ein für allemal klar gmocht dass ma NICHT schnitzel with noodles isst. Do hod die Julie Andrews zwar recht fesch gsungen oba des is trotzdem sehr foisch!


Heute woa i allein, weil nur schüler freihom und nicht der hart arbeitende durchschnittsbürger und do hobi ma Dr. House angshcaut und dann Inglourious Basterds. Du so schön, der muas jo ois Ami recht anstrengend zum schaun sein, weils jo so vü deitsch redn und do muas ma dauernd untertitel lesn. aussadem kumt französisch a ned zu kurz. Im großen und ganzen wird glaubi mehr Französisch und deutsch gredt ois englisch.
Am abend woan so scouts do, di hom so a meeting ghobt. Jo jez bini glaubi fertig.

torte

Öh Teifi

öh teifi deswegen, weil ma jez grod einfoit dassi jo heit neichn blog mochn wollt. FAIL

gut, wos sogt mei iPod üba die ereignisse? wo is einglich mei iPod? Ah do, ok, lets begin:

na oisdonn, am freitog woa wie gesagt Silvester. Wir ham uns Doctor Who angschaut, glaubi. Um 3 vor 12 homma umgschoit auf New York, weil do is jo die bekannte Kugel die immer weiter obisinkt, bis dann am Boden ankumt. Des is jez ned die besteste Beschreibung, deswegen hier in fesches bildi: und nu ans vom time square, wos am new years eve nimma so chillig is wie sonst. BADUMM DISCH!

Auch bei Farmville erhältlich!

Des deppade ding losst mi ned die 2 büda nebeneinander stelln, eiso mochis jez untereinander. SO!

 jo dann homma sprudelign saft trunken für nicht-alkoholiker. Wir woan imma nu olle a bissi schlecht beinand.,oba es ging bergauf. A bissi husten hier, a bissi röcheln do und so weiter.

Am samstag, jo do homma sowos oages gmocht dass ma uns hinterher a gehirnwäsche verpasst ham und deswegen wasi nimma wos woa, weil i nur an zettel gfundn hob, der auf meim hirn bickt is wo draufgstandn is: You have been brain washed. Thanks for understanding!

Am Sonntag hobi mi mental auf Montag vorbereitet weil do die schui wieda losgangen is. Weil die Oma mir jo den 3 ??? Soundtrack geschenkt hod, hobi ma den voi einizogn und dann hobi ma in film dazua angschaut und donn hobi ma nu in 2. angschaut. Wemma in film so guad kennt, is allaes soundtrack hörn scho wie schaun, voi cool. (i erwart ka zustimmung, weil i sowieso die einzige bin die auf soundtracks und die drei ??? steht)!

Ajo, mei bett hobi verstellt, wos andas kamma in dem zwutschkizimmer mit teppichboden a ned wirklich verschieben. woa scho anstrengend gnuag. Danach is ma glei besser gangen, einfach allgemein. I brauch hi und do a veränderung in meim zimmer und so kamma sogar die tür ganz aufmachen. Die aktuelle steckdosen und heizungs-situation is zwar ned optimal oba des is ma wurscht. 

Vom kranksein is a husten und stimmlosigkeit überbliebn. dafür hobi 5-6 ibuprofen eingschmissn, a hustenzuckerl noch und heiti. ;)

Am montag, - ur-klasse -, um 7 aufstehn, ind schui, und wieda indn wochnryhtmus einifindn. Mei stimme iwoa imma nu so gut wie nicht vorhanden, eiso singen woa ned. I bin hoid a aufgstandn und hob entweder nur in mund bewegt oda deppad ind luft gschaut.

Da jo die Mrs. Jared gekündigt hod, homma a vertretung und da ma a nix mehr zum doa ham, damma einfoch nix. I hob chüt und kreizweh griagt und mi wie imma 3 moi oda so beim sessel gstromt. Study hall woa ned recht vü produktiver, nämlich genau goa ned. :)

In Electronic Music homma leida nix spün derfn sondan nur theorie gmocht, nemlich wie ma, ...öhm.. i was ned wie des auf deutsch haßt moment....aha. Vorzeichen, oder key signature hoid. Jo des kann i scho recht guad, jez.  I kann mi nu erinnern, wie i ma do imma vor jede einzelne note es kreuz gschrieben hob weil ma des zu schwer woa. Achjo domois...

In englisch homma mit poetry angfangt. YAY aweffff...some! In Geschichte woa Pearl Harbour Week. Des is es Lieblingsthema vom Mr. Nolan. Fürn Freitag woa a Vrotrag von am Überlebenden von Pearl Harbour geplant und dazu a Essay. In Digital Design hobi wieda chüt und internet puzzle gmocht.

Daham hobi Super Mario und Yoshi auf da X-Box gspüt und wieder moi total versagt, i werdiwie mit jedem mal schlechter. Es Packerl vom Siegi is ankuma. Der 3. und 4. teil der 5-teiligen Trilogie vom Douglas Adams. (Per Anhalter durch die Galaxis) Ausserdem a Kabarett vom Mike Supancic, es is findi recht lustig oba natürlich nicht so guad wie da Josef Hader. (keiner, KEINER is so gut wie da Josef Hader!) 

Dann samma klettern gfoan. Hom wieda total schräge David-Musik gheat. Daham hom David und Sean gschimpft griagt weils die X-Box ned weggramt hom und die Michele ned gwusst hod wie ma die Wii einsteckt. Des woa da Montag!

Am Dienstag in da Frua bini aufgwocht und hob mi glei moi gwundert. I hob ma nemlich zum schlafn die hoa zambundn, bin aufgwocht, hoa offn. Supa ein weiteres Haargummi futsch. Dann im Bod hobi gmerkt dass  es haargummi auf meim Handgelenk woa. Des mussi im schlof irgendwie von meine hoa aufs handgelenk griagt hom. Oba i moch jo imma scho komische sachn im schlof. zum besipiel aufsetzen, plaudern, mi im uhrzeigersinn drehen.  mi komplett herumdrehen so dass i mit die fiass aufm polster lieg. Jojo, die elena.

In Chor homma uns es Video vom Holiday Concert angschaut. Die Qualität und Zoomfähigkeit von der Kamera oa erschreckend guad, die hod uns olle voi erwischt, oba es woa für jedn a weng peinlich, des gleicht si aus. 

In Photography und Study Hall hobi Sudoku gmocht und glesn. Sonst woa nix spannendes los in da Schui.

Daham is ma durch irgendwos auf amoi "Der kleine Prinz" eingfoin, und dass i des amoi auf kassette ghobt hob. Eiso hobi mas von Youtube ghoitund zum hörn angfangt, es is ka sehr lustige geschichte oba sie is sehr schön und a traurig. Ausserdem hobi ma a Ö3 , Kronehit und FM4 app fürn iPod obaglodn. I hob ma a moi angschaut wos grod so die neuen Hits daham san. Bei Ö3 woa so a podcast dabei mit outtakes. Do hod ma am besten gfoin: "...im golf-verseuchten Öl von Mexiko.."

Es gibt einige Familien Lieblingsserien bei uns. How I Met Your Mother, Doctor Who und Top Gear.  Die gibts übrigens olle bei uns a. Nur leider sans auf deutsch weit ned so lustig. Top Gear is vermutlich am unbekanntesten, des is a britische Autoshow. Nebenbeibemerkt die meistgesehene der Welt. A bissi wie Mythbusters nur immer mit Autos und ned so wissenschaftlich. Die gebn an Haufn geld aus für die autos und wos a imma brauchn und mochn  a immer an haufn sochn kaputt. Zum Beispiel sans beim letzn moi (die drei moderatoren) mit komische wohnwägen herumgfoan, und hom challenges blödsinn gmocht. Zum schluss woans bei so klippn, diesd in england eh überoi findst. Da Jeremy is a Eis holn ganga und die andan 2 woa fad. eiso homs im jeremy sei auto ganz nah an die klippn stelln woin und hom die bremsn nimma dawischt. Im nächstn moment siagt ma in Jeremy gmiatlich sei eis essn und im hintergrund siagt ma sei auto die klippn obifoin. Upsi! :D

Die Li hod ma jo a 2 lieder gschickt, You've got a Friend von McFly und Count on Me vom Bruno Mars. You've got a friend fongt so an mit ana flöte und gitarre und heat si an wie so a kitschiges zauberkinderserienintro. Des wort wos ma do spontan eingfoin is: Zuckerzwetschkenglücksbärchiland. Zuckerzwetschken deswegn weil des die übersetzung von "Sugar-Plum-Fairy", vom Nussknacker is. Glücksbärchi is ma einfoch vor kurzem iwo begegnet, die gibts nemlich do a. 

Am Mittwoch homma in Chor Vertretung ghobt und uns an Film von am "Rockapella-Konzert angschaut. Woa soo klass, a bissi verstörend, oba wenigstens der Beatboxer is cool.

 

Sonst woa wieda nix los, daham is schätzomativ a nix bsonders losgwesn. Daham hod da Sean wieda moi Legend of Zelda gspüt und si irrsinnig aufgregt weil des jo vü zu schwer is. Da David hod gfundn dass da Sean ziemlcih schlecht spüt grod nebenbei gfrühstückt. (um 4 am nochmittag) des haßt er hod wieda moi die hoibe packung cornflakes aufgessn. nu dazua MEINE chocochips. Wir ham 3 packungen cheerios oba er isst meine chochips. Najo so is des mit Brüder. :D ♥ I dua eh nur am wochnend frühstücken.

Am Donnerstag, hamma in chor wieder vertretung ghobt, diesmoi die schlimmste die ma hom kann weils einfoch a total undguada mensch is. wieda roackapella angschaut, numoi fost von vorn weil am mittwoch kein schwein aufpasst hod.
In Photography hod uns a andare Lehrerin aufgebn dass ma an Druck von die "Holiday-Color" Fotos mochn soin und mit Farbstift anmalen. Des haut gaanz supa hin, du! Irrsinnig klass.
In EM homma an klan test über musikbegriffe ghobt. die jo meistens italienisch san. in geschichte hamma uns den teil vom Film "Pearl Harbour" angschaut wo die amis angriffen werdn.  In Digital Design hom uns die anderen Kunstlehrer ois Aufgabe gebn, dass ma uns a Visitenkarte mochn mit iwos des ma gern mochn (Klavier) und so.
[Jez hobi erst moi überlegt wie des wort haßt. servietten-, siviten-, versiten-, verisiten-karte?]

Daham hobi mim Sean in Christbam aussighaut. Am Abend homma uns der Zauberlehrling angschaut, der is glaubi letztes joa aussakuma, mim Nicholas Cage und Jay Baruchel.

Heute is Freitog, In Chor is es singen scho besser gangen oba optimal woas ned wirklich. Mir is a aufgfoin, dass ma Lieder vü schlechter auswendig lernt wemma ned mitsingen kann. Wie soi i denn bitte Sound of Music auswendig lernen, wenn i ned singen kann. In geschichte der vortrag vom Pearl harbour mensch is ned wirklich wos wordn, weils erm ned sehr guad ganga is, der is nemlich scho 90. Da kommentar vom Mr. Nolan: He's fine, he just feels terrible.

Jez wirds schon Zeit, Madchen mude, buba. :)
*ronfffff* [hobi aus am donald duck comic, da franz gans schloft dauernd ein und so hört si sein schnorchen an]

• 1 sache die i ned mog, es sogn imma olle "See you later". Dabei siag is erst wieda am nächstn tog, des mogi ned, des erweckt imma hoffnungen. Mö :)

So long, Farewell, Auf Wiedersehn, Good Night!